رەسەي بيلٸگٸ ۋكرايناداعى سوعىستا تەجٸكستاننىڭ فايزاباد اۋدانىندا تۋىپ-ٶسكەن 25 جاستاعى جاۋىنگەردٸڭ قازا بولعانىن مەلٸمدەدٸ.
تۋىستارىنىڭ ايتۋىنشا, اليجون سافاروۆ كٶپ جىلدان بەرٸ ورىس ارميياسىندا قىزمەت ەتكەن. دەگەنمەن ولار مارقۇمنىڭ ۋكرايناداعى سوعىسقا اتتانعانىن بٸلمەگەن.
ورىس بيلٸگٸ تاراتقان مەلٸمەتكە قاراعاندا, سافاروۆ 8 مامىردا قازا بولعان. ەزٸرگە ونىڭ ۋكراينانىڭ قاي جەرٸندە قايتىس بولعانى, سٷيەگٸن تەجٸكستانعا جەتكٸزەر-جەتكٸزبەسٸ بەلگٸسٸز.
23 سەۋٸردە بارناۋل قالاسىندا تەجٸكستاندا تۋىپ-ٶسكەن ورىس ارميياسىنىڭ 24 جاستاعى جاۋىنگەرٸ ەبۋبەكٸر نوزيموۆتىڭ سٷيەگٸ جەر قويناۋىنا تاپسىرىلعان. جاكىندارىنىڭ ايتۋىنشا, ول ۋكرايناداعى سوعىسقا 15 اقپاندا اتتانىپ, 12 سەۋٸردە حاركوۆ قالاسىن قورشاۋعا الۋ كەزٸندە جەلكەسٸنە وق تيٸپ, قازا بولعان.
ۋكراينادا ٷش ايعا جاقىن ۋاقىتتان بەرٸ جالعاسىپ جاتقان سوعىسقا تەجٸكستاندا تۋىپ-ٶسكەن قانشا ەسكەر قاتىسىپ جاتقانى بەلگٸسٸز. سودان بەرٸ ورىس ارميياسىندا قىزمەت ەتكەن ونداعان تەگٸ تەجٸك جاۋىنگەردٸڭ قازا بولعانى راستالدى.
جاقىندا ۋكراين باسىلىمدارى سوعىسقا قاتىسىپ جاتقان رەسەيلٸك ەسكەريلەردٸڭ تٸزٸمٸن جارييالاعان. وندا ورتالىق ازييا ەلدەرٸندە تۋىپ-ٶسكەن 6 مىڭعا جاقىن جاۋىنگەر بولسا, ولاردىڭ 100-ٸ تەجٸكستان تۋماسى ەكەنٸ بەلگٸلٸ بولعان.
