Ýkraina ortalyq sailaý komissiiasy prezident sailaýyn 2019 jyldyń 31 naýryzyna belgiledi. Prezident sailaýy kampaniiasy 31 jeltoqsanda bastalady.
Prezidenttikke kandidattardy usyný men olardyń qujattaryn qabyldaý 3 aqpanda aiaqtalady. 8 aqpanda ortalyq sailaý komissiiasy kandidattardy tirkeýdi aiaqtap, prezidenttikten úmitkerlerdi jariialaidy.
31 naýryzda kandidattardyń biri 50 paiyzdan kóp daýys jinaǵany belgili bolsa, onda daýys berýdiń túpkilikti qorytyndysy 10 sáýirge deiin jariialanady. Al 31 naýryzdaǵy daýys berýde kandidattardyń bir de biri 50 paiyzdan asatyn daýys jinamasa, onda 21 sáýirde daýys berýdiń ekinshi kezeńi ótedi. Ekinshi kezeńniń nátijesi 1 mamyrda jariialanyp, ulyqtaý rásimi 31 mamyrda ótedi.
Áleýmettanýshylar júrgizgen saýalnama qorytyndysy boiynsha, jaýap bergenderdiń 21 paiyzǵa jýyǵy "Batkivshina" partiiasynyń jetekshisi Iýliia Timoshenkoǵa daýys berýge daiyn. Yqtimal kandidattar arasyndaǵy rejisser ári shoýmen Vladimir Zelenskiige saýalnamaǵa qatysqandardyń 13 paiyzy daýys beretinin aitady. Is basyndaǵy prezident Petr Poroshenkoǵa jaýap bergenderdiń 11 paiyzynyń daýys berý nieti bar.
