ۋكراينا ورتالىق سايلاۋ كوميسسيياسى پرەزيدەنت سايلاۋىن 2019 جىلدىڭ 31 ناۋرىزىنا بەلگٸلەدٸ. پرەزيدەنت سايلاۋى كامپانيياسى 31 جەلتوقساندا باستالادى.
پرەزيدەنتتٸككە كانديداتتاردى ۇسىنۋ مەن ولاردىڭ قۇجاتتارىن قابىلداۋ 3 اقپاندا اياقتالادى. 8 اقپاندا ورتالىق سايلاۋ كوميسسيياسى كانديداتتاردى تٸركەۋدٸ اياقتاپ, پرەزيدەنتتٸكتەن ٷمٸتكەرلەردٸ جارييالايدى.
31 ناۋرىزدا كانديداتتاردىڭ بٸرٸ 50 پايىزدان كٶپ داۋىس جيناعانى بەلگٸلٸ بولسا, وندا داۋىس بەرۋدٸڭ تٷپكٸلٸكتٸ قورىتىندىسى 10 سەۋٸرگە دەيٸن جارييالانادى. ال 31 ناۋرىزداعى داۋىس بەرۋدە كانديداتتاردىڭ بٸر دە بٸرٸ 50 پايىزدان اساتىن داۋىس جيناماسا, وندا 21 سەۋٸردە داۋىس بەرۋدٸڭ ەكٸنشٸ كەزەڭٸ ٶتەدٸ. ەكٸنشٸ كەزەڭنٸڭ نەتيجەسٸ 1 مامىردا جارييالانىپ, ۇلىقتاۋ رەسٸمٸ 31 مامىردا ٶتەدٸ.
ەلەۋمەتتانۋشىلار جٷرگٸزگەن ساۋالناما قورىتىندىسى بويىنشا, جاۋاپ بەرگەندەردٸڭ 21 پايىزعا جۋىعى "باتكيۆششينا" پارتيياسىنىڭ جەتەكشٸسٸ يۋلييا تيموشەنكوعا داۋىس بەرۋگە دايىن. ىقتيمال كانديداتتار اراسىنداعى رەجيسسەر ەرٸ شوۋمەن ۆلاديمير زەلەنسكييگە ساۋالناماعا قاتىسقانداردىڭ 13 پايىزى داۋىس بەرەتٸنٸن ايتادى. ٸس باسىنداعى پرەزيدەنت پەتر پوروشەنكوعا جاۋاپ بەرگەندەردٸڭ 11 پايىزىنىڭ داۋىس بەرۋ نيەتٸ بار.
