Ýkrainanyń Joǵarǵy Radasy Georgii lentasy úshin ákimshilik jaýapkershilikti engizetin zań qabyldady, - dep habarlaidy LIGABiznesInform.
Ákimshilik quqyqbuzýshylyqtar týraly Kodekske Georgii lentasyn daiyndaý jáne nasihattaý boiynsha ózgeris engizý týraly №2987 ózgeristerdi quptap 238 depýtat daýys berdi. Osylaisha Kodekske 173.3-bap (Georgii lentasyn daiyndaý jáne nasihattaý) engizilip otyr. Lentany nemese onyń sýretin qoǵamdyq orynda qoldaný, demonstratsiialaý nemese taǵýǵa 50-den 150-ge deiin azamattardyń tabysynyń salyq salynbaityn minimýmy kóleminde aiyppul salý qarastyrylǵan. Zańbuzýshylyq qaitalanǵan jaǵdaida 150-300 aralyǵyndaǵy minimým kóleminde aiyppul salynady. Aiyppulǵa balama jaza retinde 15 táýlikke deiin qamaýǵa alý sharasy qoldanylýy múmkin.
Zań 1991 jylǵa deiingi qujattarǵa, mýzei eksponattaryna, áskeri belgilerge, ordender men medaldardyń túpnusqasyna, jerleý oryndaryndaǵy sýretterge qatysty bolmaidy.
