Resei áskeri Zaporoje atom elektr stantsiiasyn atqylaǵannan keiin stantsiiadaǵy energoblok pen oqý-jattyǵý korpýsynda órt bastalǵan. Ýkraina tótenshe jaǵdai qyzmeti úshinshi energobloktyń birtutas energojúieden ajyratylǵanyn habarlady. 4 naýryz Kiev ýaqytymen túngi saǵat 3-te alty bloktyń tek bireýi ǵana jumys istep turdy, dep habarlaidy Azattyq.
"Eýropadaǵy eń iri AES-ten iadrolyq qaýip-qater týyndady. Birinshi energoblokqa kirdik, qutqarýshylar órtti sóndire almai jatyr, sebebi Resei áskeri atqylaýyn toqtatar emes" dedi stantsiianyń baspasóz hatshysy Andrei Týz.
Keiinirek AES-ke órt sóndirýshiler jiberilgen.
Zaporoje AES-i – Eýropadaǵy eń iri atom stantsiiasy. Buǵan deiin baqylaý kameralarynan AES jaqqa qarai zymyrandar ushyp jatqany baiqalǵan.
Ýkraina tótenshe jaǵdai qyzmeti Kiev ýaqytymen túngi saǵat 3-te AES-te radiatsiia jaǵdaiy qalypty ekenin habarlady.
AES-tiń atqylanýyna bailanysty Ýkraina prezidenti Vladimir Zelenskii videomálimdeme jasady: "Eýropadaǵy eń iri atom stantsiiasy órtenip jatyr. Resei tankileri atom bloktaryn atqylap jatyr. Ol tankilerde teplovizor bar. Olar neni atyp jatqanyn biledi. Olar soǵan daiyndalǵan. Barsha ýkrain azamattaryna, eýropalyqtarǵa jáne Chernobyl degen sózben tanys barlyq azamatqa qaiyrylamyn. Ol jarylys ǵalamdyq apatqa ainalǵan. Onyń saldarymen júzdegen myń adam kúresti. Resei sony qaitalaǵysy keledi. Tarihta alǵash ret memleket iadrolyq terrormen ainalysyp jatyr. Reseilik nasihatshylar álemdi radioaktivti kúlge ainaldyryp jiberetinin aitqan. Endi bul qoqan-loqy emes – naǵyz shyndyqqa ainaldy" dedi ol.
AES-te órt bolǵanyn Energodar qalasynyń meri Dmitrii Orlov ta rastady.
"Búkil álemge qater tónip tur. Jaýdyń úzdiksiz atqylaýynan keiin Zaporoje atom elektr stantsiiasy lapyldap janyp jatyr" dedi Orlov.
Ýkraina syrtqy ister ministri Dmitrii Kýleba Reseidi atqylaýdy toqtatyp, órt sóndirýshilerge órtti sóndirýge múmkindik berýge jáne AES mańynda qaýipsiz aimaǵyn ornatýǵa shaqyrdy.
Ol málimdemesinde AES jarylatyn bolsa, onyń saldary 1986 jylǵy Chernobyl apatynan on ese kúshti bolady dep jazdy.
Atom energiiasy jónindegi halyqaralyq agenttik (MAGATE) atom elektr stantsiiasynyń mańynda júrip jatqan atqylaýlardan habardar ekenin málimdedi. Olar Ýkraina premer-ministri Dmitrii Shmygal men atomdy qadaǵalaý jónindegi memlekettik agenttik ókilderimen kelissóz ótkizgen. Ázirge kelissózdiń jai-japsary belgisiz. Halyqaralyq uiym stantsiia mańyndaǵy barlyq áskeri qimyldy toqtatýǵa shaqyrdy. Zelenskii jaǵdaidy Frantsiia, Polsha, AQSh prezidentteri, Germaniia kantsleri, Ulybritaniia premer-ministrimen talqylaǵanyn aitty.
Soǵystyń alǵashqy kúnderi Resei áskeri Chernobyl AES-in basyp alǵan. Olar sol kezde Energodar qalasyndaǵy Zaporoje AES-in basyp alýǵa tyrysqan. Biraq ol jaqta jergilikti turǵyndar stantsiiaǵa baratyn joldarǵa kólik qoiyp tastap, ózderi de jolǵa shyǵyp bekitip, áskerdi ótkizbegen. Qazir olar qaita shabýyldai bastaǵan.
