Foto: ©REUTERS
BUU Adam quqyqtary jónindegi Joǵarǵy komissarynyń basqarmasy (BUU AQJKB) 19 mamyrda 24 aqpannan bastap Ýkraina men Donbasstyń beibit turǵyndary arasynda qaza tapqandar nemese jaralanǵandar sany 8 myńnan asqanyn málimdedi, - dep habarlaidy Tengrinews.kz tilshisi RIA Novostige silteme jasap.
"2022 jylǵy 24 aqpandaǵy 4:00-den 2022 jyldyń 18 mamyrynyń tún ortasyna deiin BUU Adam quqyqtary jónindegi Joǵarǵy komissarynyń basqarmasy (BUU AQJKB) elde 8089 adamnyń ómiri qiylǵanyn nemese jaraqat alǵanyn tirkedi: 3811 adam qaitys boldy jáne 4278 adam jaralandy", - delingen habarlamada.
Basqarma málimetinshe, Donetsk jáne Lýgansk oblystarynda Kievtiń baqylaýyndaǵy aýmaqta 1973 adam qaza taýyp, 1821 adam jaraqat alǵan. DHR men LHR baqylaýyndaǵy aýmaqta 126 adam qaza taýyp, 502 adam jaraqat alǵany aitylady.
Ýkrainanyń basqa aimaqtarynda, atap aitqanda Kievte, sondai-aq Cherkassy, Chernigov, Harkov, Herson, Kiev, Nikolaev, Odessa, Sýmy, Zaporoje, Dnepropetrovsk, Poltava jáne Jitomir oblystarynda 1712 beibit turǵyn qaza tapty, 1955 beibit turǵyn jaraqat aldy. Bul óńirler úkimet baqylaýynda bolǵan.
Beibit turǵyndardyń qaitys bolýy nemese jaraqattanýy týraly kóptegen jaǵdaidyń sebebi keń aýqymdy atys alańy bar jarylǵysh qurylǵylardy, sonyń ishinde aýyr artilleriia men reaktiv atys júielerin, sondai-aq zymyrandar men áýe soqqylaryn qoldaný bolǵany aitylady.
"BUU AQJKB naqty sandar áldeqaida joǵary dep sanaidy, óitkeni mundai jaǵdailar bolǵan jerlerden kelgen kóptegen habarlama áli de qosymsha rastalýy tiis, al urys jalǵasyp jatqan keibir jerlerden aqparat keshigip jatyr", - dep tolyqtyrdy BUU basqarmasy ókilderi.
Eske salaiyq, buǵan deiin BUU Adam quqyqtary jónindegi Joǵarǵy komissarynyń basqarmasy (AQJKB) Ýkrainadaǵy qurbandardyń aralyq sanyn ataǵan bolatyn. 2 mamyrdaǵy jaǵdai boiynsha beibit turǵyndar arasynda 3153 adam zardap shekken - 1842 adam qaza taýyp, 2493 adam jaralandy.
