Ýkrainanyń Dnepr qalasynda Ulttyq gvardiianyń áskeri qyzmetkeri jergilikti ýaqyt boiynsha 03:40-ta (Nur-Sultan ýaqyty boiynsha 07:40) qaraýylǵa oq atty, dep habarlady Sputnik Qazaqstan agenttigi RIA Novosti portala silteme jasap.
Nazar salyńyz, jantúrshigerlik video
Tótenshe jaǵdai saldarynan bes adam kóz jumyp, taǵy bes adam jaralandy, dep habarlady Ýkraina IIM baspasóz qyzmeti.
Qaiǵyly oqiǵa "Iýjmash" ońtústik mashina jasaý zaýytynyń aýmaǵynda bolǵan.
"Ýkraina Ulttyq gvardiiasynyń áskeri qyzmetkeri, merzimdi áskeri qyzmettegi sarbaz, 2001 jyly týǵan Riabchýk Artemii Iýrevich qarý-jaraq berý kezinde belgisiz sebeptermen Kalashnikov avtomatynan Ulttyq gvardiia áskeri qyzmetkerleriniń qaraýylyna oq jaýdyryp, qarýmen birge izin sýytty", - dep jazylǵan habarlamada.
Oqiǵa saldarynan tórt áskeri qyzmetker jáne bir qarapaiym azamat kóz jumdy. Keiinirek jaraqat alǵan taǵy bir adam qaitys bolǵany habarlandy.
Oq atqan áskeri 2021 jyldyń kúzinen beri Ulttyq politsiiada qyzmet etken jáne onyń mine-qulqynan eshqandai aýytqý baiqalmaǵan.
"Ol psihologtar baqylaýynda bolǵan áskeri qyzmetkerler tobyna kirmegen. Oǵan oń minezdeme berilgen. Qaraýylǵa qyzmetke taǵaiyndaý – aýqymdy protsess, olar turaqty túrde psihologpen suhbat júrgizedi", - dep habarlady "Sirena" Ýkraina ulttyq politsiiasynyń ókiline silteme jasap.
Qylmystyq is qozǵaldy. Oq atqan áskeri ómir boiyna bas bostandyǵynan aiyrylýy múmkin. Memlekettik tergeý biýrosy men áskeri prokýratýra tergeý amaldarymen ainalysady.
Qylmysqa ne sebep bolǵany ázirshe belgisiz. Ulttyq gvardiia sarbazy Dnepropetrovsk oblysynda ustaldy.
