Ýkraina prokýratýrasy Grýziianyń burynǵy prezidenti Mihail Saakashvilidi deportatsiialaý jóninde 2018 jyly shyqqan sheshim boiynsha qylmystyq is qozǵady.
Ýkrainanyń bas áskeri prokýratýrasy 7 qazanda "Polshaǵa zańsyz deportatsiialaǵany" jáne "urlap áketkeni, kúsh qoldanǵany" jaily Saakashvilidiń shaǵymynan keiin tekserý bastalǵanyn málimdedi.
Biyl mamyrda Ýkrainanyń jańa prezidenti Vladimir Zelenskii Saakashvilige Ýkraina azamattyǵyn qaitaryp bergen edi. Odan eki jyl buryn Ýkrainanyń sol kezdegi prezidenti Petr Poroshenko Saakashvilidi Ýkraina azamattyǵynan aiyrǵan.
2018 jyly aqpanda Saakashvilidi Kievte kidirtip, áýejaiǵa jetkizgen soń Polshaǵa asyryp jibergen bolatyn. Ýkraina shekara qyzmeti Saakashvilige 2021 jyldyń 13 aqpanyna deiin Ýkraina aýmaǵyna kirýge tyiym salǵan.
2015 jyly Saakashvili Ýkraina azamattyǵyn alyp, Poroshenkonyń jarlyǵymen Odessa oblysynyń basshylyǵyna taǵaiyndaldy. Osydan keiin Grýziia «qos azamattyqqa jol berilmeidi» degen ýájben Saakashvilidi Grýziia azamattyǵynan aiyrdy.
Poroshenko pen Saakashvili qatynasy 2016 jyly jemqorlyqpen kúres jáne reforma jasaý týraly bastamalardan keiin buzylyp, qarasha aiynda Saakashvili qyzmetinen bosatyldy. 2017 jyly shilde aiynda Saakashvili «Jańa kúshter rýhy» (ýkrain tilinde: Rýh novih sil – red.) dep atalatyn oppozitsiialyq partiia qurǵan soń Poroshenkonyń jarlyǵymen Ýkraina azamattyǵynan aiyryldy.
