Ýkraina prezidenti Petr Poroshenko Kievte AQSh-tyń Ýkraina boiynsha arnaiy ókili Kýrt Ýolkermen kezdesip, Donbastaǵy qaqtyǵysty talqylady, dep habarlaidy Azattyq.
Poroshenkonyń resmi saitynda jariialanǵan málimdemege qaraǵanda, taraptar kezdesýde Ýkraina shyǵysyndaǵy qaqtyǵysty retteý úshin jasalǵan Minsk kelisiminiń oryndalmai jatqanyna qynjylǵan.
Ýolker Twitter-de Poroshenkomen «jaqsy áńgimeleskenin» jazyp, osy aptanyń sońynda reseilik diplomattarmen kezdesý úshin Dýbaiǵa baratynyn habarlady. Poroshenkonyń málimdemesinde «Ýkraina shyǵysynda qaqtyǵysty toqtatý» men «Ýkrainadan Reseidiń okkýpatsiiashyl áskerin shyǵarý» basty taqyryp bolǵany aitylady.
Ýkraina armiiasy 2014 jyldyń kókteminen beri eldiń shyǵysyndaǵy Donetsk jáne Lýgansk oblystarynda Resei qoldaityn separatistermen soǵysyp jatyr.
Máskeý Ýkrainanyń ishki isine kilikkenin joqqa shyǵarǵanymen, Halyqaralyq qylmystyq sot 2016 jyly qarashada qaqtyǵysty «Ýkraina men Resei arasyndaǵy halyqaralyq qarýly qaqtyǵys» dep tanyǵan. Qaqtyǵystan 10300-den astam adam qaza taýyp, 1,6 millionnan astam adam bosyp ketken.
