Resei men Ýkraina delegatsiiasynyń kelissózi aiaqtaldy. Ýkraina prezidenti keńsesiniń keńesshisi Mihail Podoliak úshinshi raýnd bolatynyn aitty, - dep habarlaidy Tengrinews.kz agenttigi "Izvestiia" portalyna silteme jasap.
Taraptar jaqyn arada gýmanitarlyq dálizder uiymdastyrady, osyǵan bailanysty birqatar alańda qaqtyǵys toqtaidy.
"Osy maqsatta jaqyn arada arnaiy bailanys jáne ózara is-qimyl arnalary uiymdastyrylady jáne tiisti logistikalyq rásimder qurylady", - dedi Podoliak.
Onyń aitýynsha, taraptar jaqyn arada kelissózderdi qaita bastaýǵa kelisti.
Resei prezidentiniń kómekshisi Vladimir Medinskiidiń sózinshe, taraptar "ustanymdar boiynsha túsinistikke qol jetkize aldy".
"Ýkraina tarapymen kelissózder aiaqtaldy, onda biz barlyq úsh máseleni egjei-tegjeili talqyladyq: áskeri másele, halyqaralyq gýmanitarlyq másele jáne úshinshi másele - janjaldy saiasi retteý máselesi. Ustanymdar aiqyn, olar jeke-jeke jazylady. Olardyń bir bóligi boiynsha bir sheshimge qol jetkizildi", - dedi Medinskii.
