Foto: ashyq derekkóz
AQSh pen Ýkraina arasyndaǵy ekonomikalyq áriptestik týraly tarihi kelisimge qol qoiyldy, dep habarlaidy Ult.kz.
"Prezident Tramptyń turaqty beibitshilikti qamtamasyz etý jolyndaǵy tynymsyz kúsh-jigeriniń arqasynda men AQSh pen Ýkraina arasyndaǵy ekonomikalyq áriptestik týraly búgingi tarihi kelisimge qol qoiylǵanyn qýanyshpen habarlaimyn. Bul kelisim AQSh pen Ýkrainanyń Qaita qurý investitsiialyq qoryn qurýdy kózdeidi", — dep málimdedi AQSh qarjy ministri Skott Bessent.
Onyń aitýynsha, bul resýrstyq kelisim "Reseige Tramp ákimshiliginiń uzaq merzimdi perspektivada erkin, egemen jáne órkendegen Ýkrainany qoldaityn beibitshilik protsesine adal ekenin anyq kórsetedi".
AQSh prezidenti kelisimnen "teoriia júzinde 350 milliard dollardan da artyq paida kútip otyrǵanyn" aitty.
Ýkrainanyń ekonomika ministri Iýliia Sviridenko kelisimniń negizgi tarmaqtaryn atap ótti:
🔸 Resýrstardy baqylaý jáne ielik etý quqyǵy Ýkrainada qalady;
🔸 AQSh pen Ýkraina investitsiialyq qordy teń dárejede basqarady;
🔸 Kelisim jekeshelendirý nemese memlekettik kompaniialardy basqarý protsesine ózgeris engizýdi qarastyrmaidy — olar Ýkraina menshiginde qalady;
🔸 Qujatta Ýkraina tarapynan AQSh aldyndaǵy qandai da bir qaryz mindettemeleri kórsetilmegen;
🔸 Kelisim Ýkraina Konstitýtsiiasyna sai jáne eldiń eýrointegratsiia baǵytyn ózgertpeidi;
🔸 Qorǵa paidaly qazbalardyń mańyzdy túrlerin óndirý boiynsha jańa jobalardan ǵana alynǵan litsenziialyq tabystyń 50%-y baǵyttalady;
🔸 Qordyń jumys isteýi úshin tek biýdjettik kodekske ózgerister engizý qajet, al kelisimdi Joǵarǵy Rada ratifikatsiialaýǵa tiis;
🔸 AQSh úkimeti DFC agenttigi arqyly Ýkrainaǵa investitsiialar men tehnologiialardy tek AQSh nemese EO elderinen ǵana emes, basqa memleketterden de tartýǵa kómektesedi;
🔸 Qordyń kiristeri men salymdary AQSh-ta da, Ýkrainada da salyq salynbaidy;
🔸 Qor tek Ýkraina aýmaǵyna ǵana investitsiia sala alady;
