F-16 Fighting Falcon. Foto: military.com
Ýkraina qorǵanys ministrligi Aleksei Reznikov Resei basqynshylyǵyna pármendi qarsylyq kórsetý úshin elge áreket etý radiýsy qolda barynan da uzaqtaý joiǵysh pen áskeri ushaqtar, zymyrandar qajetin aitty. Munyń aldynda Batystyń birqatar memleketi Kievke soǵys tankilerin jetkizý týraly sheshim shyǵarǵany habarlanǵan. Bul týraly ministr SVS arnasyna bergen suhbatynda aitqan, dep jazady Azattyq.
Ushaq pen uzaq qashyqtyqqa ushatyn zymyrandar qajet ekenin keiingi kezderi Ýkraina prezidenti Vladimir Zelenskii de birneshe ret aitqan.
Batys elderi alǵashynda Ýkrainaǵa áýe shabýylyna qarsy qorǵanys quraldary men tankilerdi jetkizýge qulyqsyz bolyp, keiin oiyn ózgertkenin atap ótken Reznikov "búgin bolmasa, erteń múmkindik bolady" degen. Ministr qarý Reseidiń halyqaralyq deńgeide moiyndalǵan aýmaǵyndaǵy nysandarǵa atylmaitynyn aitty.
AQSh aqparat quraldary keiingi kúnderi Qurama Shtattar men NATO Ýkrainaǵa F-16 áskeri ushaǵyn jetkizý máselesi talqylanyp jatqanyn jazǵan. Biraq ondai sheshim shyǵarýdyń ońaiǵa soqpaityny da sóz bolǵan. Germaniia kantsleri Olaf Sholts ótken jeksenbide Ýkrainaǵa joiǵysh zymyrandar jiberiletinin joqqa shyǵarǵan. Italiianyń da Kievke shabýyl qarýyn bermeitini habarlanǵan.
The Wall Street Journal basylymynyń jazýynsha, byltyr Batysta kópshiligi soǵystyń uzaqqa jalǵasýy Ýkrainaǵa qolaily dese, qazir "adam men tehnikanyń úlken rezervi bar Kreml bul soǵysta jeńiske jetýi múmkin" degen qaýip jii aitylady.
Basylym Ýkrainaǵa quryshty tehnika jetkizý onyń soǵystaǵy dinamikasyn ózgertýge kómektesedi dep jazady.
Jeksenbide Ulybritaniiaǵa bir top ýkrain áskerii kelip, aǵylshynnyń "Chellendjer-2" tankilerimen jumys isteýdi úirenip jatyr. Bul týraly Ulybritaniia qorǵanys ministrligi habarlady. London Ýkrainaǵa 14 tank jetkizýge ýáde etken.
Ótken aptada AQSh Ýkrainaǵa "Abrams 31", Germaniia "Leoprad" tankisiniń 14-in jetkizýge daiyn ekenin aitqan.
