Dúisenbi, 10 qazanda Ýkraina qalalaryna jappai shabýyl jasalǵany habarlandy, - dep habarlaidy Tengrinews.kz.
Ýkraina premer-ministri Denis Shmygal Telegram-da Kiev pen 8 oblystaǵy 11 mańyzdy infraqurylym nysany buzylǵanyn jazdy.
Áleýmettik jelilerde Ýkrainanyń ártúrli aimaǵyndaǵy jarylystar týraly habarlar paida boldy.
Qalalardyń merleri men oblystyq áskeri ákimshilik basshylary resmi Telegram-arnalarynda jariialaǵan aqparat boiynsha, Kiev, Hmelnitskaia, Lvov, Ternopol, Harkov, Odessa, Nikolaev, Jitomir, Sýmy, Dnepropetrovsk jáne basqa da oblystarda mańyzdy infraqurylymǵa soqqy jasalǵan.
Keibir qalalarda, atap aitqanda, Harkov, Hmelnitskii, Jitomir jáne Lvov qalalarynda elektr jáne sýmen qamtamasyz etýde problema baryn jazyp jatyr, uialy bailanys pen internette úzilister bar.
Ýkraina Qarýly kúshteriniń bas qolbasshysy Valerii Zalýjnyi 10 qazanda Ýkrainada 75 zymyran atylǵanyn, onyń 41-in áýe shabýylyna qarsy qorǵanys atyp túsirgenin aitty.
Reseidiń Ýkrainaǵa jappai zymyran shabýyly - Vladimir Pýtinniń beibit kelissózderge shaqyrǵandarǵa bergen jaýaby. Bul týraly dúisenbi, 10 qazanda shabýyldarǵa qatysty pikir bildirgen syrtqy ister ministri Dmitrii Kýleba málimdedi.
Ýkraina ishki ister ministriniń keńesshisi Rostislav Smirnov málimdegen aldyn ala málimet boiynsha, 8 adam qaza taýyp, 20-dan astamy jaralanǵan. Ýkraina Ulttyq politsiiasy 5 adam qaza taýyp, 12 adam jaralanǵanyn habarlady.
Adamdar qaza bolǵanyn Ýkraina prezidenti Vladimir Zelenskii de rastady.
