Ýkraina Tegeran-Kiev reisin oryndaǵan Boeing-737 ushaǵy apatynyń tergelýi barynsha jariialy túrde ótkizilýin talap etetin bolady. Bul týraly Ýkrainanyń premer-ministri Aleksei Goncharýk sársenbi kúni ótken brifingte aitty, dep habarlaidy Ýkrainform.
«Sózsiz, tergeýdiń barynsha jariia túrde júrgizilýin talap etemiz. Osy tergeýge senimdi arttyratyn nemese qamtamasyz etetin barlyq halyqaralyq uiymdar tartylýy tiis», - dedi Goncharýk.
Sondai-aq, ol áýe apatynyń sebebi resmi túrde jariialanǵanǵa deiin aitylǵan qandai da bir nusqalardy manipýliatsiia dep atady.
«Qazir qaýeset taratpai-aq qoiaiyq. Tergeýdi kóptegen toptar birlesip júrgizedi. Irannyń ishinde osy memlekettiń resmi organdary jumys isteidi. Biz de Iran aýmaǵyndaǵy tergeýge qosylý úshin qajetti ótinishter berdik. Tergeý oqiǵa bolǵan jerde júrýi qajet», - dedi Goncharýk.
Prezident Vladimir Zelenskiidiń tapsyrmasy boiynsha Ýkrainada da qylmystyq is qozǵalǵan. Onyń barysynda barlyq qajetti qaýipsizdik sharalary qolǵa alynǵany, ne alynbaǵany anyqtalatyn bolady.
«Degenmen, atalmysh tergeýdi júrgizýdiń konfigýratsiiasy týraly resmi túrde keiinirek habarlaimyz dep oilaimyn. Qazir úshinshi tarappen – Iranmen konsýltatsiialar, resmi protsedýralar júrip jatyr», - dedi Ýkraina premer-ministri.
Budan bólek, Ýkraina Ulttyq qaýipsizdik jáne qorǵanys keńesiniń hatshysy Aleksei Danilov tergeý júrgizilgenge deiin áýe apatynan qaza tapqan azamattardyń elderi mindetti túrde tartylatynyn atap ótti.
«Budan bólek, ushaqty shyǵarǵan Boeing kompaniiasynyń mamandary da komissiia jumysyna jumyldyrylady», - dedi Danilov.
Eske salaiyq, sársenbi, 8 qańtarda Tegeran ýaqytymen 6:00-de Imam Homeini atyndaǵy áýejaidan Tegeran-Kiev baǵytymen ushqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyraǵan edi. Ushaq bortynda 177 adam bolǵan: 168 jolaýshy men 9 ekipaj múshesi. Onyń ishinde Irannyń – 82, Kanadanyń - 63, Ýkrainanyń - 2 + 9 (ekipaj), Shvetsiianyń – 10, Aýǵanstannyń – 4, GFR-dyń – 3, Ulybritaniianyń 3 azamaty bolǵan. Olardyń barlyǵy qaza tapty.
