Ýkraina áskeri qylmys týraly 21 myńnan astam habarlamany tekseredi. Bul jóninde Ýkraina bas prokýrory Irina Venediktova britandyq BBC aqparat agenttigine málimdedi, dep jazady Azattyq.
Venediktovanyń sózine qaraǵanda, kún saiyn prokýratýraǵa Resei áskeri jasady dep aitylatyn áskeri qylmys jaily 200-300 habarlama kelip túsedi.
Kiev azamattarynyń Reseige zańsyz áketilgeni týraly turaqty habarlar keledi. Resei biliginiń málimeti boiynsha, keiingi táýlikteri Ýkrainanyń shyǵysynan 24 myń adam evakýatsiialanǵan. Shamamen tórt myńy – bala.
Negizinen jurt aýyr shaiqas júrip jatqan jatqan ózin respýblika jariialap alǵan Donbass pen Resei kúshterine qaraityn aýmaqtardan evakýatsiialanǵan.
Resei biliginiń málimetinshe, soǵys bastalǵaly, iaǵni 24 aqpannan beri Ýkraina shyǵysynan Reseige 2 359 135 adam jetkizilgen, 371 myńy – bala.
Reseige jetkizilgen bosqyndar barlyq eresekterdiń "súzgi lagerlerinen" ótýge mindettelgenin aitady.
Resei basqynshylyǵy bastalǵaly beri shamamen 13 mln ýkrain azamaty úilerin tastap ketken. Bes milliony kórshi Polsha, Vengriia, Slovakiia, Rýmyniia jáne Eýropanyń ózge elderine qonys aýdarǵan. Segiz milliony Ýkrainanyń qaýipsiz aýdandaryna kóshken.
Ýkrain bosqyndaryn qabyldaý boiynsha Polsha birinshi orynda tur. Bul jaqqa eki million bosqyn qonys aýdarǵan. Germaniiaǵa – 780 myń, Chehiiaǵa – 366 myń, Túrkiiaǵa – 145 myń, Rýmyniia men Moldovaǵa 90 myń adam barǵan.
Resei bosqyndardy ornalastyrý, olardyń zańdy mártebesi men berilip jatqan kómek týraly naqty málimet aitpai otyr.
