UQK zańsyz kóshi-qon arnasynyń joly kesilgenin habarlady, - dep habarlaidy "Ult aqparat" vedomstvonyń baspasóz qyzmetine silteme jasap.
"21 qazanda UQK Shekara qyzmetiniń Túrkistan oblysy boiynsha departamenti prokýratýra organdarymen ózara is-qimyl jasai otyryp, shekaradan ótýge shekteýi bar adamdardyń Qazaqstan Respýblikasy, Ózbekstan Respýblikasy, Resei Federatsiiasynyń memlekettik shekarasy arqyly zańsyz kóshi-qon arnasyn uiymdastyrýmen ainalysqan transshekaralyq qylmystyq top áreketiniń jolyn kesti.
Júrgizilgen jedel-izdestirý is-sharasynyń nátijesi boiynsha qylmystyq toptyń belsendi qatysýshysy bolyp tabylatyn sheteldik azamat zańǵa qaishy qyzmeti úshin 700 000 (jeti júz myń) teńge somasyndaǵy aqshalai qarajatty alý barysynda ustaldy.
Sheteldik azamatqa jáne qylmystyq toptyń basqa da múshelerine qatysty QR QK 394-baby 2-bóligi (Zańsyz kóshi-qondy uiymdastyrý) boiynsha qylmystyq is qozǵaldy. Ustalǵan adam qamaýǵa alyndy" - delingen komitet habarlamasynda.
