Ulttyq qaýipsizdik komitetiniń bólimsheleri Almaty qalasy men Almaty oblysynyń aýmaǵynda «Sprýt-2020» keshendi jedel-taktikalyq oqý-jattyǵýyn ótkizdi. Bul týraly "Ult aqparat" UQK silteme jasap habarlaidy.
Oqý-jattyǵýdyń maqsaty terrorizmge qarsy is-sharalardy ótkizý jáne tótenshe jaǵdailardy, Memlekettik shekarany jappai zańsyz kesip ótýdi oqshaýlaý yqtimaldyǵy kezinde birlesken taktikalyq is-qimyldar barysynda QR UQK bólimsheleriniń ózara is-qimylynyń tiimdiligin arttyrý boldy.
«Sprýt-2020» keshendi jedel-taktikalyq oqý-jattyǵýy Ulttyq qaýipsizdik komiteti bólimsheleriniń halyqaralyq terrorizm men ekstremizmniń ózge de kórinisterinen týyndaityn qaýip-qaterge qarqyndy qarsy turý isinde kúsh-jigerin biriktirýdegi kezekti qadam boldy», - dedi komitetten.
Sonymen qatar is-shara barysynda jaǵdaidy baǵalaýǵa biryńǵai tásildi jáne terroristik qaýip-qater ákelýshiler men olardyń qainarkózderin joiýǵa baǵyttalǵan tiimdi sharalar júiesin ázirleý pysyqtaldy.
Oqý-jattyǵý qorytyndylary boiynsha bólimsheler qoiylǵan mindetterdi sátti oryndap, Ulttyq qaýipsizdik komitetiniń basshylyǵy tarapynan joǵary baǵa berildi.
