Ulttyq qaýipsizdik komiteti Taraz ben Shymkentten uiymdasqan qylmystyq top múshelerin anyqtady, - dep habarlaidy "Ult aqparat" UQK baspasóz qyzmetine silteme jasap.
"30 maýsymda UQK Ishki ister ministrligimen birge Taraz jáne Shymkent qalalarynda bir mezgilde "A" jáne "Búrkit" arnaiy maqsattaǵy bólimsheleriniń jumyldyrylýymen elimizdiń ońtústik óńirlerindegi kriminogendik jaǵdaiǵa teris áser etip kelgen, qoǵam úshin qaýipti bolyp tabylatyn uiymdasqan qylmystyq toptyń zańsyz is-áreketiniń jolyn kesý boiynsha arnaiy operatsiiany júzege asyrdy.
Bul maqsatta aldyn-ala jedel-izdestirý jáne arnaiy is-sharalardyń tolyq kesheni muqiiat júrgizildi. Nátijesinde qylmystyq top músheleriniń taýarly-materialdyq qundylyqtardy asa iri mólsherde urlaýǵa jáne kásipkerlerden aqsha qarajatyn bopsalaýǵa qatysy bar ekendigi týraly dálelder jinaldy", - delingen habarlamada.
Komitet málimetinshe, arnaiy operatsiianyń nátijesinde qylmystyq toptyń 14 kóshbasshysy men belsendi qatysýshylary ustalǵan. Protsessýaldyq is-sharalar barysynda qarý-jaraq arsenaly, qomaqty aqsha somasy, sondai-aq tergeý úshin qyzyǵýshylyq týdyratyn qujattyq materialdar tabylyp, tárkilendi.
Sotaldy tergeý júrgizilip jatyr, ustalǵandardyń basqa da qylmystarǵa qatysy bar-joǵy tekseriledi.
