Foto: Polisia.kz
Ulttyq qaýipsizdik komiteti Kazinform agenttiginiń resmi saýalyna bergen jaýabynda Shymkent qalasy turǵyn úi basqarmasynyń basshysy Nurbol Júnisbektiń ustalǵanyn rastady. Ol qyzmettik ókilettigin asyra paidalandy degen kúdikke ilingen.
Sheneýnik atalǵan basqarma basshysy qyzmetine 2025 jyldyń naýryz aiynda taǵaiyndalǵan. Bar derekterge súiensek, ustaý oqiǵasy Astanada bolǵan. Shymkent ákimdiginde Júnisbekovtiń bul kezde eńbek demalysynda júrgeni naqtylandy.
— Atalǵan derek boiynsha UQK sotqa deiingi tergeý júrgizip jatyr. Ózge aqparat Qazaqstan Respýblikasy Qylmystyq-protsestik kodeksiniń 201-babynyń 1-bóligine sáikes jariia etilmeidi, — delingen QR UQK-niń resmi jaýabynda.
Nurbol Júnisbekov 2025 jyldyń qańtar–aqpan ailarynda qalanyń Jer qatynastary basqarmasy basshysynyń mindetin ýaqytsha atqardy, al naýryz aiynan bastap Turǵyn úi basqarmasyna basshy bolyp taǵaiyndaldy.
Aita keteiik, budan buryn Shymkentte sáýlet basqarmasynyń basshysy Arman Ábdeshov ustalǵanyn jazǵan bolatynbyz.
