Foto: UQK baspasóz qyzmeti
UQK shetel azamattarynyń Qazaqstan aýmaǵyna zańsyz kóshi-qon arnalaryn anyqtaý jáne jolyn kesý jónindegi is-sharalardy jalǵastyryp jatyr, dep habarlaidy vedomstvonyń baspasóz qyzmeti.
"Atap aitqanda, 9 qyrkúiekte Aqtóbe oblysy boiynsha UQKD jedel ýákilderi zańsyz kóshi-qon arnasynyń jumys isteýine jalpy qamqorlyq jasaýy úshin laýazymdy tulǵaǵa para berdi degen kúdikpen Qazaqstan azamatyn ustady.
Aldyn ala málimetter boiynsha bul arna sheteldik jumysshylardy respýblikadaǵy eńbek qyzmetine tiisti ruqsatsyz tartý úshin paidalanylǵan.
Para nysany retinde 400 myń teńge somasynda aqshalai qarajat alyndy" - delingen habarlamada.
Vedomstvo málimetinshe, Qylmystyq kodekstiń 367-babynyń 2-bóligi (aitarlyqtai mólsherde jasalǵan para berý) boiynsha sotqa deiingi tergep-tekserý júrgizilip jatyr.
Qylmystyq-protsessýaldyq kodeksiniń 201-baby 1-bóligine sáikes ózge aqparattar jariia etýge jatpaidy.
