UQK Shekara qyzmetiniń @shekaraknbkz Instagram akkaýntynyń tikelei efirinde memlekettik shekarany kesip ótý máseleleri boiynsha onlain-konferentsiia ótti, dep habarlaidy "Ult aqparat".
Instagram-daǵy resmi paraqshada ótken onlain-brifing barysynda Shekara qyzmeti Qazaqstan Respýblikasynyń aýmaǵyna kiretin barlyq adamǵa koronavirýs infektsiiasyna qatysty testtiń teris nátijesi bar PTR anyqtamasy qajet ekenin aitty. Bas memlekettik sanitarlyq dárigerdiń sheshimi osyndai.
Sondai-aq, baspasóz máslihatynda shekaradan ótý tártibine sáikes Qazaqstan Respýblikasynyń azamattaryna 4 aqpannan bastap 30 kúnde bir ret shetelge shyǵýǵa ruqsat beriletini aityldy.
«Osylaisha, Qazaqstan Respýblikasynyń azamaty kez kelgen maqsatta Qazaqstan aýmaǵynan shetelge 30 kúnde bir ret shyǵa alady. Shetelge barý jiiligi elden shyqqan kezde anyqtalady. Elge oralǵannan keiin kelesi sapar Qazaqstan Respýblikasyna kelgen kúnnen bastap 30 kún ótken soń ǵana múmkin bolady», - dep túsindirdi QR UQK Shekara qyzmetindegiler.
