Ulttyq qaýipsizdik komiteti prokýratýra kómegimen 20 qarashada, iaǵni sailaý kúni jappai tártipsizdik uiymdastyrmaq bolǵan qylmystyq toptyń jolyn kesti, - dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, arnaiy operatsiia nátijesinde 7 adam ustaldy. QR Qylmystyq kodeksiniń 179-baby 2-bóligi jáne 272-babynyń 1-bóligi boiynsha tergeý bastalǵan. Ustalǵandardyń turǵylyqty jeri boiynsha zattai dáleldemeler tárkilengen.
"Prokýratýra sanktsiiasymen olardyń jappai tártipsizdik uiymdastyrýǵa, memlekettik jáne quqyq qorǵaý organdarynyń ákimshilik ǵimarattaryna, azamattyq nysandarǵa qarý men tutandyrǵysh zattardy qoldaný arqyly shabýyl jasaýǵa daiyndalǵany anyqtaldy.
Toptyń árbir múshesiniń roli naqty bólingen, qylmystyq jospar jasyryn sharalardy saqtai otyryp, turaqty kezdesý barysynda talqylanǵan", - delingen habarlamada.
Top músheleri "bótelke laqtyrǵysh" dep atalatyn jabdyqtar jasap, olardyń kómegimen "Molotov kokteilderin" laqtyryp, quqyq qorǵaý organdary qyzmetkerleriniń kózin qurtýdy josparlaǵan.
Jasyryn oryndar uiymdastyrylyp, oǵan qylmys jasaýǵa arnalǵan quraldar - Kalashnikov avtomaty, oiyq uńǵyly "Merkel" myltyǵy, eki tegis uńǵyly kesilgen myltyq, oq-dáriler, "Molotov kokteilderine" arnalǵan suiyqtyqtyǵy bótelkeler, "bótelke laqtyrǵyshtar", benzin quiylǵan kanistralar, ratsiialar saqtalǵan.
Kúdiktiler QR Qylmystyq-protsestik kodeksiniń 128-babyna sáikes ustalyp, ýaqytsha ustaý izoliatoryna qamaldy.
Qazaqstan Respýblikasy QPQ 201-babyna sáikes ózge málimetter jariialaýǵa jatpaidy.
