Almaty oblysy kóliktik baqylaý inspektsiiasy qyzmetkerleriniń zańsyz qyzmetiniń joly kesildi, - dep habarlaidy Tengrinews.kz.
Almaty oblysy boiynsha Cybailas jemqorlyqqa qarsy qyzmet Ulttyq qaýipsizdik komitetiniń oblystyq departamenti jáne Taldyqorǵan kólik prokýratýrasymen birlesip Almaty oblysy kóliktik baqylaý inspektsiiasy qyzmetkerleriniń zańsyz qyzmetiniń jolyn kesti.
"Bólim basshysy men onyń eki qyzmetkeri 2021 jyldyń basynan bastap 2022 jyldyń aqpanyna deiingi kezeńde kásipkerlerden avtomobil joldarynda kedergisiz júrip ótkeni jáne olardy ákimshilik jaýapkershilikke tartpaǵany úshin júieli negizde 50 myńnan 280 myń teńgege deiin para aldy", - delingen habarlamada.
