Ulttyq qaýipsizdik komiteti Qazaqstandaǵy tártipsizdikter kezinde qyzmetkerler men áskeri qyzmetshiler qalai qaza bolǵany týraly aitty, - dep habarlaidy Tengrinews.kz tilshisi UQK baspasóz qyzmetine silteme jasap.
UQK Shekara akademiiasynyń bastyǵy polkovnik Pavel Polivanov akademiianyń jeke quramy men kýrsanttary Almaty ákimdigi ǵimaratynyń qorǵanysyna qalai kómekteskeni týraly aityp berdi.
"4-5 qańtarǵa qaraǵan túni áskeri qyzmetshiler men kýrsanttar Almaty ákimdigi qorǵanysyn ustady. Shabýyldaýshylar tobyna qolda bar quraldarmen qarsy turýǵa týra keldi, óitkeni atys qarýyn qoldanbaý týraly buiryq berildi. Jinalǵandar dybys jáne tútin granatalaryn qoldandy, sondyqtan ainalany kórý deńgeii azaidy", - dedi Polivanov.
UQK Shekara akademiiasy kafedrasynyń bastyǵy polkovnik Kabdinov Andrei Viacheslavovich Ákimdik ǵimaratyn qorǵaý kezinde gazdan ýlanyp, alǵan jaraqatynan qaza boldy, dedi vedomstvo ókili.
"Ol ártúrli laýazymdarda qyzmet etti - zastava bastyǵynyń orynbasarynan Shekara akademiiasynyń kafedra bastyǵyna deiin. Andrei Viacheslavovich 4 balanyń ákesi. Kýrsanttar qaza tapqan polkovnikti erekshe komandir sanaidy", - dedi baspasóz qyzmeti ókilderi.
6 qańtarda keshke shekara akademiiasyna kireberiste búlikshilermen atys bastalyp, onda akademiianyń aǵa ofitseri kapitan Jaǵalbaev Jandos Muhtaruly qaza tapqan.
"Jubaiymen tuńǵyshyn kún sanap kútip júrgen. Basyna oq tiip, qaza boldy", - dedi komitettegiler.
Sondai-aq, akademiiany qorǵap, úsh kýrsant qaza tapqan: Juparbekov Dáýlet Baýrjanuly, Bitim Meirhan Erjanuly jáne Ádilhan Jaiyq.
"Qaza bolǵandardyń dostary men kýrstastary olar bala kezinen shekarashy bolýdy armandaǵanyn, jaqsy oqyp, sportpen shuǵyldanyp, maqsatyna senimdi túrde jetkenin aitady. Janashyr, meiirimdi, kóńildi, adal joldastar", - dedi UQK ókilderi.
7 qańtarda Tarazda Ulttyq qaýipsizdik podpolkovnigi Ádilbai Dastan Ádilbaiuly jer qoinaýyna tapsyrylǵan.
"5-6 qańtarǵa qaraǵan túni qyzmetkerler aýmaqtyq departament ǵimaratyna shabýyl jasaǵan 350-den asa búlikshige toitarys berdi. Atys kezinde oq jaraqatyn alǵan Dastan Edilbai áriptesterin aýrýhanaǵa jetkizdi, sol jerde esinen tanyp, operatsiia ústelinde kóz jumdy", - dedi Polivanov.
UQK áskeri qarsy barlaý organdarynyń kishi jedel ýákili kapitan Nurkenov Ádil Dýlatuly qupiia qujattardy evakýatsiialaý kezinde qaza tapqan.
"Ol úsh jasar qyzdyń ákesi, súiikti jar", - dep bólisti UQK ókili.
10 qańtarda Jambyl oblysy Shekara komiteti departamentiniń Qordai aýdany boiynsha shekara basqarmasynyń ýchaskesinde jaýyngerlik mindetti oryndaý kezinde ShB jaýyngerlik daiarlyq jáne rezervterdi qoldaný bóliminiń ofitseri kapitan Karmenov Erzat Qanaiatoldanuly jáne ofitser Armidinov Shavkat Shatlikovich qaza tapty.
"Karmenov 2 balanyń ákesi bolatyn, al Armidinov tipti otbasyn quryp úlgermegen. Olar shekarany laiyqty kúzetti, joǵary patriotizm rýhynda tárbielendi jáne shekarashylar ádettegidei syrttan kelgen qaýipti birinshi bolyp kórsetýge daiyn boldy", - delingen baspasóz qyzmetiniń habarlamasynda.
Prezident Qasym-Jomart Toqaev jappai tártipsizdikterdi toqtatý, terroristik jáne ekstremistik toptardyń jolyn kesý barysynda kórsetken erligi men batyrlyǵy úshin qaza tapqan 6 qyzmetker men áskeri qyzmetshini II jáne III dárejeli "Aibyn" ordenderimen marapattaýdy tapsyrdy. UQK qyzmetkeri kapitan Nurkenov "Jaýyngerlik erligi úshin" medalimen marapattaldy.
"Almaty qasireti - halqymyz úshin úlken shyǵyn. Ókinishke qarai, qatal shyndyqty ózgerte almaimyz. Biraq, qysqa ómir súrgenine qaramastan, olar laiyqty iz qaldyrdy jáne áskeri boryshqa degen batyldyq pen adaldyq úlgisi boldy", - dep qorytyndylady Ulttyq qaýipsizdik komiteti ókilderi.
