Ulttyq qaýipsizdik komiteti Qytaiǵa kiik múiizin zańsyz ótkizýmen ainalysqan qylmystyq topty ustady, dep habarlaidy "Ult aqparat" QR UQK baspasóz qyzmetine silteme jasap.
2021 jylǵy 8 shildede UQK Almaty oblysy boiynsha departamenti Shekara qyzmetiniń Almaty oblysy boiynsha departamentimen birlesip, kiik múiizderin zańsyz óndirý jáne Qazaqstannan Qytaiǵa kontrabanda arnasyn uiymdastyrýǵa qatysy bar qylmystyq toptyń quqyqqa qarsy áreketiniń jolyn kesý boiynsha arnaiy operatsiia júrgizdi.
Derivattardyń iri partiiasyn shetelge shyǵarýdy uiymdastyrmaqshy bolǵan qylmystyq shemanyń uiymdastyrýshysy men qatysýshylary ustaldy.
"Jalpy salmaǵy 700 kilogramm bolatyn 3144 kiik múiizi tárkilendi. Brakonerlik áreket nátijesinde Qazaqstandaǵy kiik popýliatsiiasyna aitarlyqtai ziian keltirildi, qazirgi ýaqytta olardyń sany shamamen 800 myń basty quraidy" delingen resmi habarlamada.
QR QK 339-babynyń 2-bóligi ("kiikti zańsyz qolǵa túsirý, joiý, sol siiaqty zańsyz qolǵa túsirilgen kiikti nemese onyń derivattaryn, onyń ishinde múiizderin iemdený, saqtaý, ótkizý, ákelý, áketý, jóneltý, tasymaldaý") boiynsha sotqa deiingi tergep-tekserý sheńberinde quqyqqa qarsy árekettiń ózge de qatysýshylaryn anyqtaý, figýranttarda kiik múiizderiniń qosymsha partiialarynyń bar bolýy boiynsha tergeý jáne jedel is-sharalar kesheni júrgizilýde.
