UQK Kaspii teńizindegi baqylaýdy kúsheitedi, - dep habarlaidy "Ult aqparat" vedomstvonyń baspasóz qyzmetine silteme jasap.
UQK Shekara qyzmeti Ishki ister ministrligi jáne Ekologiia, geologiia jáne tabiǵi resýrstar ministrliginiń aýmaqtyq bólimshelerimen, sondai-aq RF FQQ ShQ-men birlesip, Kaspii teńizi akvatoriiasynda brakonerlik árekettiń jolyn kesýge jáne biologiialyq ártúrlilikti saqtaýǵa baǵyttalǵan uiymdastyrýshylyq-tájiribelik is-sharalar keshenin júrgizýdi bastady.
"UQK Shekara qyzmeti is-sharalardy ótkizý kezeńinde Kaspii teńiziniń qazaqstandyq sektorynda belgilengen rejimderdiń saqtalýyn baqylaý kúsheitiletinin habarlaidy. Memlekettiń tabiǵi bailyǵyn tonaýǵa qatysty zańsyz áreketterdi anyqtaý maqsatynda birqatar birlesken reid ótkizý josparlanǵan", - delingen habarlamada.
