Atyraý oblysynda kásipkerlerden qarjy bopsalaý, qaryz óndirý siiaqty qylmystyq árekettermen ainalysyp kelgen uiymdasuan top músheleri ustaldy, dep habarlaidy "Ult aqparat" QR Ulttyq qaýipsizdik komitetiniń baspasóz qyzmetine silteme jasap.
Baspasóz málimetterine qaraǵanda, 2020 jylǵy 3 maýsymda Ulttyq qaýipsizdik komitetiniń Atyraý oblysy boiynsha departamenti júrgizgen arnaiy operatsiia nátijesinde sporttyq orta men yqtimal destrýktivti dini aǵymdardyń ókilderinen turatyn adamdar tobynyń quqyqqa qaishy áreketiniń jolyn kesildi.
Qylmystyq top músheleri óńirdegi kásipkerlerdi qorqytyp, aqsha alyp, qaryzdardy «óndirý» siiaqty qylmystyq árekettermen ainalysyp kelgen. Sondai-aq olardyń dene jaraqatyn salý siiaqty áreketterge de qatysy bar.
«Qylmystyq toptyń belsendi 5 múshesi ustaldy. Olardyń keibireýi «urylar» ideologiiasyn ustanyp, transulttyq qoǵamdastyqtardyń kómekshilerimen bailanys ustaǵan. Ustalǵandardyń turatyn jerin tintý barysynda úsh birlik ártúrli qarý túrleri men olardyń oq-dárileri tabyldy. Ustalǵan úsh adam ýaqytsha ustaý izoliatoryna qamalyp, bultartpaý sharasyn tańdaý jóninde másele sheshilýde. Ekeýinen qorǵaýǵa quqyǵy bar kýáger retinde jaýap alyndy»,-delingen habarlamada.
Jedel-tergeý is-sharalary jalǵasýda.
