Foto: KPD
UQK Shekara qyzmeti 2025 jylǵy tamyzda quzyretti organdarmen ózara is-qimyl jasai otyryp, shekara keńistiginde 4 610 QR zańnamasyn buzýshyny, sonyń ishinde: shekarany buzǵany úshin 39 shetel azamatyn, shekarany buzý áreketi úshin 25 shetel azamatyn ustady, dep habarlaidy Ult.kz.
QR Ulttyq qaýipsizdiń qyzmetiniń Shekara qyzmeti taratqan málimetke sáikes, tamyz aiynda memlekettik shekara arqyly taýarlar men júkti zańsyz ótkizýdiń 1 352 faktisiniń aldy alyndy. Sonyń ishinde:
jalpy salmaǵy 5 kg astam esirtki zattary;
qarýlar men oq-dárilerdiń 47 faktisi (1 birlik atys, 1 birlik jaraqattandyrýshy, 1 birlik gazben atatyn, 1 birlik pnevmatikalyq, 151 birlik sýyq qarý, 191 oq-dáriler);
dini ádebiettiń 18 faktisi (678 dana);
jalpy somasy 5,5 mln teńgeden asatyn janar-jaǵarmaidyń 499 faktisi (18 500 litrden astam);
jalpy somasy 1,5 mlrd teńgeden astam halyq tutyný taýarlarynyń 598 faktisi;
jalpy somasy 1,5 mlrd teńgeden astam valiýtanyń 157 faktisi.
Kaspii sý ailaǵynda 55 brakonerlik faktisiniń joly kesildi. Sonyń ishinde:
9 júzý quraly;
21 km-dan artyq aý men brakonerlik aýlaý quraldary;
240 dana (1 440 kg) bekire tuqymdas balyq;
28 dana (19 kg) sirek kezdesetin balyq túrli alyp qoiyldy;
aldy alynǵan zalal somasy 566 mln teńgeden astamdy qurady.
Osy faktiler boiynsha materialdar zańbuzýshylardy jaýapqa tartý úshin quqyq qorǵaý jáne sot organdaryna joldandy. Memlekettik shekarada qandai da bir shekteý sharalary engizilgen joq, barlyq ótkizý pýnktteri shtattyq rejimde jumys istep jatyr.
-2025 jylǵy 25 tamyzdan bastap Qazaqstan-Qyrǵyzstan memlekettik shekarasynyń ýchaskesindegi «Kegen» (Almaty oblysynyń Raiymbek aýdany) avtomobildik ótkizý pýnkti táýlik boiy jumys rejimine aýysty, - delingen habarlamada.
