sýret ashyq derekkózden alyndy
UQK basshysynyń orynbasary, Shekara qyzmetiniń direktory Erlan Aldajumanov Qazaqstannyń memlekettik shekarasyndaǵy daýly ýchaskelerge qatysty suraqqa jaýap berdi, dep habarlaidy Sputnik Qazaqstan.
"Qazirgi ýaqytta memlekettik shekarada daýly ýchaskeler joq. Qyrǵyzstanmen, Qytaimen memlekettik shekara máselesi tolyǵymen jabyldy. Túrikmenstanmen ratifikatsiia jasalady, barlyq másele sheshildi. Ózbekstanmen, Reseimen kelissóz júrgizilip jatyr, onda tek Shyǵys Qazaqstan oblysyndaǵy taýly aimaqtar qaldy", - dedi UQK basshysynyń orynbasary Parlament Senatynyń kýlýarynda.
Shyǵys Qazaqstanǵa qatysty jumys jospar boiynsha júrip jatyr, jazbasha jáne naqty kezeń bar, ekinshi kezeńde taraptar ol jerge baryp, shekara ótetin núktelerdi anyqtaidy.
"Klimattyq jáne aýa raiy jaǵdaiy, jer bederi eskerile otyryp, jumystar aqyryndap ilgeri jyljyp jatyr. Ótken jyly Shemonaiha aýdanynda, Abai oblysynda aiaqtaldy. Shyǵys Qazaqstan oblysy boiynsha 50 protsent qaldy. Uzyndyǵy úsh júz shaqyrymǵa jýyqtaidy", - dep naqtylady Aldajumanov.
2022 jyldyń 14-19 qarashasy aralyǵynda Tashkentte Qazaqstan-Ózbekstan birlesken demarkatsiialyq komissiiasyndaǵy Qazaqstan men Ózbekstan úkimetteri delegatsiialarynyń 100-shi otyrysy ótti. Sol kezde Qazaqstan men Ózbekstan arasynda jaqyn arada memlekettik shekara máselesi jabylatyny habarlandy.
