سۋرەت اشىق دەرەككٶزدەن الىندى
ۇقك باسشىسىنىڭ ورىنباسارى, شەكارا قىزمەتٸنٸڭ ديرەكتورى ەرلان الداجۇمانوۆ قازاقستاننىڭ مەملەكەتتٸك شەكاراسىنداعى داۋلى ۋچاسكەلەرگە قاتىستى سۇراققا جاۋاپ بەردٸ, دەپ حابارلايدى Sputnik قازاقستان.
"قازٸرگٸ ۋاقىتتا مەملەكەتتٸك شەكارادا داۋلى ۋچاسكەلەر جوق. قىرعىزستانمەن, قىتايمەن مەملەكەتتٸك شەكارا مەسەلەسٸ تولىعىمەن جابىلدى. تٷرٸكمەنستانمەن راتيفيكاتسييا جاسالادى, بارلىق مەسەلە شەشٸلدٸ. ٶزبەكستانمەن, رەسەيمەن كەلٸسسٶز جٷرگٸزٸلٸپ جاتىر, وندا تەك شىعىس قازاقستان وبلىسىنداعى تاۋلى ايماقتار قالدى", - دەدٸ ۇقك باسشىسىنىڭ ورىنباسارى پارلامەنت سەناتىنىڭ كۋلۋارىندا.
شىعىس قازاقستانعا قاتىستى جۇمىس جوسپار بويىنشا جٷرٸپ جاتىر, جازباشا جەنە ناقتى كەزەڭ بار, ەكٸنشٸ كەزەڭدە تاراپتار ول جەرگە بارىپ, شەكارا ٶتەتٸن نٷكتەلەردٸ انىقتايدى.
"كليماتتىق جەنە اۋا رايى جاعدايى, جەر بەدەرٸ ەسكەرٸلە وتىرىپ, جۇمىستار اقىرىنداپ ٸلگەرٸ جىلجىپ جاتىر. ٶتكەن جىلى شەمونايحا اۋدانىندا, اباي وبلىسىندا اياقتالدى. شىعىس قازاقستان وبلىسى بويىنشا 50 پروتسەنت قالدى. ۇزىندىعى ٷش جٷز شاقىرىمعا جۋىقتايدى", - دەپ ناقتىلادى الداجۇمانوۆ.
2022 جىلدىڭ 14-19 قاراشاسى ارالىعىندا تاشكەنتتە قازاقستان-ٶزبەكستان بٸرلەسكەن دەماركاتسييالىق كوميسسيياسىنداعى قازاقستان مەن ٶزبەكستان ٷكٸمەتتەرٸ دەلەگاتسييالارىنىڭ 100-شٸ وتىرىسى ٶتتٸ. سول كەزدە قازاقستان مەن ٶزبەكستان اراسىندا جاقىن ارادا مەملەكەتتٸك شەكارا مەسەلەسٸ جابىلاتىنى حابارلاندى.
