Ulttyq qaýipsizdik komiteti kóp kezeńdi arnaiy operatsiiany iske asyrý barysynda qarasora tobyna jatatyn esirtki zattaryn elordaǵa jetkizýdiń turaqty arnasyn joidy, - dep habarlaidy "Ult aqparat" UQK baspasóz qyzmetine silteme jasap.
"2022 jylǵy 29 qazanda Politsiia departamenti bólimsheleriniń qatysýymen esirtki tasymaldaýshysy ustalyp, onyń kóliginen elimizdiń ońtústik óńirlerinen jetkizilgen 15 keli gashish tabyldy. Turǵylyqty jeri boiynsha júrgizilgen tekserý barysynda taǵy da 17 keli gashish pen 1.5 keli marihýana alyndy", - delingen habarlamada.
Vedomstvo málimetinshe, esirtkilerdiń jalpy salmaǵy - 32 keli gashish pen 1.5 keli marihýana. Jedel-tergeý is-sharalary jalǵasyp jatyr.
