Foto: UQK
Ulttyq qaýipsizdik komiteti esirtki, psihotroptyq zattar men prekýrsorlardyń zańsyz ainalymyna qarsy kúresti kúsheitip keledi. 2025 jyldyń qazan aiynan beri vedomstvo esirtki saýdasyn toqtatýǵa baǵyttalǵan 10 arnaiy operatsiia júrgizdi, dep habarlaidy Ult.kz.
Nátijesinde esirtki jetkizýdiń 3 halyqaralyq jáne 3 aimaqtyq arnasy anyqtalyp, tolyq joiyldy. Sonymen qatar jer asty esirtki zerthanasy men arnaiy jabdyqtalǵan plantatsiianyń qyzmeti toqtatyldy.
Arnaiy is-sharalar barysynda 622 kelige jýyq túrli esirtki zaty tárkilendi. Onyń ishinde psihotroptyq zattar, gashish jáne marihýana bar.
Atalǵan derekter boiynsha sottyń sanktsiiasymen 12 Qazaqstan azamaty jáne 3 sheteldik kúdikti qamaýǵa alyndy. Qazirgi ýaqytta sotqa deiingi tergeý amaldary júrgizilýde.
Qylmystyq-protsestik kodekstiń 201-babyna sáikes tergeýdiń ózge málimetteri jariia etilmeidi.
