Ulttyq qaýipsizdik komiteti zańsyz ainalymnan 282 keli esirtkiniń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
"2022 jylǵy shilde men qazan aralyǵynda esirtkige qarsy, onyń ishinde reseilik, ózbekstandyq jáne qyrǵyzstandyq áriptestestermen 36 birlesken operatsiia ótkizildi.
11 halyqaralyq jáne 14 aýmaqtyq esirtki trafiginiń arnalary joiyldy. Sintetikalyq esirtki óndirýmen ainalysatyn 4 jasyryn laboratoriianyń is-áreketi beitaraptandyryldy.
Arnaiy operatsiialar barysynda esirtki qurylymdarynyń 59 qatysýshysy ustaldy. Zańsyz ainalymnan 282 keli esirtki, onyń ishinde 32 keli geroin, 11 keli apiyn, 60 keli sintetikalyq esirtkiler, 156 keli marihýana, 22 keli gashish alyndy. Sonymen qatar, ainalymnan 861 «ekstazi» tabletkasy jáne psihotroptyq zattardy ázirleýge arnalǵan 3 tonnadan asa himiialyq reagentter shyǵaryldy" - delingen habarlamada.
Halyqaralyq esirtki biznesine qarsy turý boiynsha is-sharalar jalǵasyp jatyr.
