14-16 qarasha aralyǵynda QR Premer-Ministriniń orynbasary Berdibek Saparbaev bastaǵan Úkimettiń jumys toby issaparmen Jambyl jáne Almaty oblystaryna, sondai-aq Almaty qalasyna barady, dep habarlaidy "Ult aqparat" Premer-ministr orynbasarynyń baspasóz qyzmetine silteme jasap.
Jumys tobynyń quramyna úkimettiń áleýmettik blogynyń: bilim jáne ǵylym, densaýlyq saqtaý, eńbek jáne halyqty áleýmettik qorǵaý, mádeniet jáne sport, aqparat jáne qoǵamdyq damý ministrlikteriniń basshylary kiredi.
Óńirlerde jumys tobynyń músheleri jurtshylyqpen, eńbek ujymdarymen, densaýlyq saqtaý jáne bilim berý salasynyń qyzmetkerlerimen, jastarmen kezdesedi. Azamattardy jeke máseleleri boiynsha qabyldaidy, birqatar áleýmettik jáne mádeni nysandardy, sondai-aq aýdandardy aralap, kóptegen mádeni is-sharalarǵa qatysady.
Atap aitqanda, 14 qarashada Taraz qalasynda Altyn Ordanyń 750 jyldyǵyna arnalǵan «Talas qurylysy: tarih pen taǵylym» atty halyqaralyq ǵylymi-praktikalyq konferentsiia ótedi.
15 qarashada Almatyda Respýblikalyq jastar forýmy, Múgedekterdiń quqyqtaryn qorǵaý jónindegi úilestirý keńesi jáne tehnikalyq ońaltý quraldarynyń kórmesi ótedi.
Al Almaty oblysyna Úkimettiń jumys toby 15-16 qarasha kúnderi keledi.
Jumys saparynyń negizgi maqsaty – Elbasynyń «Syndarly qoǵamdyq dialog-Qazaqstannyń turaqtylyǵy men órkendeýiniń negizi» atty Qazaqstan halqyna joldaýynda belgilengen mindetterdi el Úkimetiniń iske asyrýy týraly halyqty aqparattandyrý.
Osyǵan deiin Úkimettiń jumys tobynyń ókilderi Atyraý, Aqtóbe, Shyǵys Qazaqstan, Túrkistan oblystary men Almaty jáne Shymkent qalalarynyń turǵyndarymen kezdesken bolatyn.
