Prezidenttiń tapsyrmalary aiasynda 3 ulttyq joba jáne 5 keshendi jospar qabyldanady. Bul týraly Úkimet otyrysynda QR Ulttyq ekonomika ministri Áset Erǵaliev aitty, dep habarlaidy "Ult aqparat".
«Úkimettiń keńeitilgen otyrysynda Memleket basshysy ekonomikalyq belsendilikti qalpyna keltirý, investitsiialar tartý jáne halyqtyń ál-aýqatyn arttyrý jóninde naqty mindetter qoidy. 7 negizgi baǵyt aiqyndaldy. Bul: ekonomikalyq belsendilikti qoldaý, jumys oryndarymen qamtamasyz etý, júielik jáne salalyq saiasatty qaita retteý, turǵyn úige qoljetimdilikti arttyrý, densaýlyq saqtaý jáne bilim berý júiesin damytý»,- dedi ministr.
Onyń atap ótýinshe jalpy 26 qańtarda ótken Úkimettiń keńeitilgen otyrysynda Prezident 68 tapsyrma bergen.
«Osy tapsyrmalardy iske asyrý aiasynda 3 zańnamalyq akti qabyldanady. Bul: derbes derekter jáne olardy qorǵaý týraly, básekelestik máseleleri jónindegi zańdar, sondai-aq jer kodeksine mengiziletin ózgerister. Sonymen qatar úsh ulttyq jobany bekitý kózdelip otyr. Bul: agroónerkásip keshenin damytý, sý resýrstaryn basqarý jáne 2021-2025 jyldarǵa arnalǵan «Jasyl Qazaqstan» jobalary. Buǵan qosa, 5 keshendi jospar ázirlenedi. Bul: shekaralardaǵy zańsyz saýda ainalymyna qarsy is-qimyl, kelisimsharttarmen retteletin satyp alýlar arqyly óndiristerdi qurý jáne keńeitý, 2025 jylǵa deiingi Ekibastuz qalasyn damytý, azamattardy vatsinalaý jáne mektepke deiingi bilim berýdi damytý boiynsha sharalar», - dedi Áset Erǵaliev.
