Úkimet basshysynyń orynbasary Álihan Smaiylov memlekettik organdar men jergilikti atqarýshy organdardyń basshylaryna biýdjet qarajatyn tezirek igerý kerektigin eskertti, dep habarlaidy "Ult aqparat".
«Qarjy jylynyń aiaqtalýyna 55 jumys kúni qaldy. Naqtylaýdy eskere otyryp, osy jyldyń sońyna deiin 4,2 mlrd teńgeni igerý qajet. Keibir shyǵystar boiynsha áli kúnge deiin konkýrstyq rásimder aiaqtalmaǵanyn kórip otyrmyz. Josparlanǵan biýdjettik baǵdarlamalardan basqa shuǵyl maqsattarǵa Úkimet rezervinen qosymsha 236 mlrd teńge bólingen. Qazirgi tańda bar bolǵany onyń 111 mlrd teńgesi nemese 47 paiyzy ǵana igerildi», - dedi dedi Álihan Smaiylov Úkimet otyrysynda.
Ol sondai vedomstvo men ákimdikterdiń basshylaryna eskertý jasady.
«Memlekettik organdar men jergilikti atqarýshy organdardyń birinshi basshylary biýdjettik baǵdarlamalardyń tiimdiligi men nátijeliligin qamtamasyz ete otyryp, biýdjet qarajatynyń ýaqtyly igerilý máselesin erekshe baqylaýda ustaýy qajet», - dedi Álihan Smaiylov.
