Nursultan Nazarbaev memlekettik biliktiń tarmaqtary arasynda ókilettikterdi qaita bólý máseleleri boiynsha jumys tobymen kezdesti, - dep habarlaidy "Ult aqparat" Aqordaǵa silteme jasap.
«Búgin biz memlekettik biliktiń tarmaqtary arasynda ókilettikterdi qaita bólý máselelerin talqylaý úshin kezdesip otyrmyz. Men bul týraly jurt aldynda sóilegen sózderimde, úndeýlerimde aityp júrmin. Men usynǵan bes institýtsionaldyq refomanyń besinshisi Úkimetke ekonomika salasynda qosymsha atqarý fýnktsiialaryn berýdi qarastyrady. Al Prezidenttiń quzyretinde qorǵanys, syrtqy saiasat, memlekettik basqarý, Konstitýtsiiany qorǵaý, memlekettik bilik arasyndaǵy jumystyń tiimdiligin qamtamasyz etý qalady. Biraq biz bastapqyda Prezidentke kóp ókilettik berdik. Kóp zańdarda osylai bolǵan, iaǵni, 45 ókilettik. Sodan ol taǵy 30 ókilettikke tolyqty. Endi ókilettikke qatysty sheshim qabyldaý úshin ony úkimet pen Parlamentke jiberýge bolady», — dedi Nazarbaev.
Memleket basshysy áýelde Qazaqstan Prezidentiniń quzyretine berilgen ókilettikterdiń sanyn azaitý máselesine toqtaldy.
«Mysaly, baǵdarlamalardy bekitý, Úkimettegi kadrlyq taǵaiyndaýlar, basqarýdyń jańa organdaryn qurý siiaqty ókilettikter Úkimet pen Parlamenttiń quzyretine ótýi múmkin», — dedi Nursultan Nazarbaev.
Sondai-aq, Qazaqstan Prezidenti memlekettik basqarý júiesinde Parlamenttiń rólin arttyrý qajettigin de aitty.
Bizdiń jaǵdaida Úkimetti jeńgen partiia nemese fraktsiia qurady. Osylaisha, Parlamenttiń Úkimetke qatysty róli kóp másele boiynsha qaita qarastyrylýy kerek dedi, Elbasy.
.jpeg)