QR Premer-Ministri Álihan Smaiylovtyń tóraǵalyǵymen «KAZAKH INVEST» ulttyq kompaniiasy» AQ direktorlar keńesiniń otyrysy ótti. Bul týraly Úkimet basshysynyń baspasóz qyzmeti habarlady.
Otyrysta kompaniianyń 2021 jylǵy qyzmetiniń qorytyndylary qaraldy, 2021 jylǵy qarjylyq esep aldyn ala bekitildi, sondai-aq Esep saiasaty jáne Qarjy resýrstaryn basqarý saiasaty sekildi jańa redaktsiiadaǵy birqatar ishki qujattar bekitildi. Ishki aýdit qyzmetiniń jáne Sybailas jemqorlyqqa qarsy komplaens-qyzmetiniń 2022 jylǵy I toqsandaǵy esepteri nazarǵa alyndy.
Basqarma tóraǵasy Meiirjan Iýsýpovtyń aitýynsha, «KAZAKH INVEST» kompaniiasynyń qoldaýymen 2021 jyly 5 myń jumys ornyn qura otyryp, 3,8 mlrd dollardan astam somaǵa 57 joba iske asyryldy. Óndiristik alańdardy aralaýmen sheteldik investorlardyń Qazaqstan óńirlerine 190-nan astam sapary uiymdastyryldy. Olardyń aiasynda memlekettik organdarmen jáne jergilikti biznes ókilderimen kelissózder júrgizildi.
2021 jyldyń qorytyndysy boiynsha Qazaqstanǵa tikelei sheteldik investitsiialardyń jalpy aǵyny pandemiiaǵa deiingi deńgeige jetip, 23,7 mlrd dollardy qurady.
El basshylyǵynyń tapsyrmasy boiynsha QR aýmaǵynda halyqaralyq kompaniialardyń óndirisin jergiliktendirý maqsatynda keń aýqymdy jumys júrgizilip jatyr. Álemniń 30-ǵa jýyq elinen shikizattyq emes salalardyń 200-den astam kompaniiasyna investitsiialyq usynys-paketter joldandy. Múddeli kompaniialarmen belsendi túrde kelissózder júrgizilip jatyr.
Sondai-aq QR Premer-Ministrine «KAZAKH INVEST» kompaniiasynyń sheteldegi ókilderiniń qyzmetiniń nátijeleri týraly baiandaldy. Sheteldegi ókilder jumysynyń tiimdilik kórsetkishteri jyl saiyn Premer-Ministrdiń orynbasary – Syrtqy ister ministri Muhtar Tileýberdi tóraǵalyq etetin keńeste qaralady. Bul baǵyttaǵy jumys sheteldik ókilder bar óńirlerde pandemiialyq shekteýlerdiń birtindep alynýynyń nátijesinde jandanyp jatqany atap ótildi.
