قر پرەمەر-مينيسترٸ ەليحان سمايىلوۆتىڭ تٶراعالىعىمەن «KAZAKH INVEST» ۇلتتىق كومپانيياسى» اق ديرەكتورلار كەڭەسٸنٸڭ وتىرىسى ٶتتٸ. بۇل تۋرالى ٷكٸمەت باسشىسىنىڭ باسپاسٶز قىزمەتٸ حابارلادى.
وتىرىستا كومپانييانىڭ 2021 جىلعى قىزمەتٸنٸڭ قورىتىندىلارى قارالدى, 2021 جىلعى قارجىلىق ەسەپ الدىن الا بەكٸتٸلدٸ, سونداي-اق ەسەپ ساياساتى جەنە قارجى رەسۋرستارىن باسقارۋ ساياساتى سەكٸلدٸ جاڭا رەداكتسيياداعى بٸرقاتار ٸشكٸ قۇجاتتار بەكٸتٸلدٸ. ٸشكٸ اۋديت قىزمەتٸنٸڭ جەنە سىبايلاس جەمقورلىققا قارسى كومپلاەنس-قىزمەتٸنٸڭ 2022 جىلعى ٸ توقسانداعى ەسەپتەرٸ نازارعا الىندى.
باسقارما تٶراعاسى مەيٸرجان يۋسۋپوۆتىڭ ايتۋىنشا, «KAZAKH INVEST» كومپانيياسىنىڭ قولداۋىمەن 2021 جىلى 5 مىڭ جۇمىس ورنىن قۇرا وتىرىپ, 3,8 ملرد دوللاردان استام سوماعا 57 جوبا ٸسكە اسىرىلدى. ٶندٸرٸستٸك الاڭداردى ارالاۋمەن شەتەلدٸك ينۆەستورلاردىڭ قازاقستان ٶڭٸرلەرٸنە 190-نان استام ساپارى ۇيىمداستىرىلدى. ولاردىڭ اياسىندا مەملەكەتتٸك ورگاندارمەن جەنە جەرگٸلٸكتٸ بيزنەس ٶكٸلدەرٸمەن كەلٸسسٶزدەر جٷرگٸزٸلدٸ.
2021 جىلدىڭ قورىتىندىسى بويىنشا قازاقستانعا تٸكەلەي شەتەلدٸك ينۆەستيتسييالاردىڭ جالپى اعىنى پاندەميياعا دەيٸنگٸ دەڭگەيگە جەتٸپ, 23,7 ملرد دوللاردى قۇرادى.
ەل باسشىلىعىنىڭ تاپسىرماسى بويىنشا قر اۋماعىندا حالىقارالىق كومپانييالاردىڭ ٶندٸرٸسٸن جەرگٸلٸكتەندٸرۋ ماقساتىندا كەڭ اۋقىمدى جۇمىس جٷرگٸزٸلٸپ جاتىر. ەلەمنٸڭ 30-عا جۋىق ەلٸنەن شيكٸزاتتىق ەمەس سالالاردىڭ 200-دەن استام كومپانيياسىنا ينۆەستيتسييالىق ۇسىنىس-پاكەتتەر جولداندى. مٷددەلٸ كومپانييالارمەن بەلسەندٸ تٷردە كەلٸسسٶزدەر جٷرگٸزٸلٸپ جاتىر.
سونداي-اق قر پرەمەر-مينيسترٸنە «KAZAKH INVEST» كومپانيياسىنىڭ شەتەلدەگٸ ٶكٸلدەرٸنٸڭ قىزمەتٸنٸڭ نەتيجەلەرٸ تۋرالى باياندالدى. شەتەلدەگٸ ٶكٸلدەر جۇمىسىنىڭ تيٸمدٸلٸك كٶرسەتكٸشتەرٸ جىل سايىن پرەمەر-مينيستردٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ تٶراعالىق ەتەتٸن كەڭەستە قارالادى. بۇل باعىتتاعى جۇمىس شەتەلدٸك ٶكٸلدەر بار ٶڭٸرلەردە پاندەمييالىق شەكتەۋلەردٸڭ بٸرتٸندەپ الىنۋىنىڭ نەتيجەسٸندە جاندانىپ جاتقانى اتاپ ٶتٸلدٸ.
