Úkimette buqaralyq sportty qarjylandyrýdy kásibi klýbtarǵa jumsalatyn shyǵyndardy qysqartý esebinen arttyrý máselesi aityldy, dep habarlaidy "Ult aqparat".
QR Premer-Ministriniń orynbasary Eraly Toǵjanovtyń tóraǵalyǵymen beinekonferentsiia rejiminde buqaralyq sportty damytý máselesi boiynsha keńes ótti.
Keńeske ortalyq memlekettik organdardyń basshylary, oblys ákimderiniń orynbasarlary, Ulttyq Olimpiada komitetiniń basshylyǵy qatysty.
«Memleket basshysy Qasym-Jomart Kemeluly Toqaev óziniń Qazaqstan halqyna Joldaýynda buqaralyq sportty damytýǵa erekshe kóńil bóldi. Pandemiia kezinde densaýlyqty nyǵaitý úshin dál osy baǵytty damytý mańyzdy», – dedi Eraly Toǵjanov.
Búgingi tańda el turǵyndarynyń 30,6%-y sportpen jáne dene shynyqtyrýmen ainalysady. Bul rette, el boiynsha eń tómengi kórsetkishter Shymkent qalasynda (28,5%), Nur-Sultan qalasynda (29,2%) jáne Aqmola oblysynda (29,8%) baiqalyp otyrǵany aityldy.
Sondai-aq, jiyn barysynda buqaralyq sport túrlerin qarjylai qoldaý, halyq arasynda sportty dáripteýdiń naqty qadamdaryn ázirleý, bilikti nusqaýshylar jáne sport zaldarymen qamtamasyz etý máseleleri talqylandy. Balalar men jastardy sport sektsiialaryna tartý, jalpy bilim beretin mektepterdegi sport zaldary men jabdyqtarynyń tapshylyǵy máselesine erekshe nazar aýdarylady.
Keńes qorytyndysy boiynsha Eraly Toǵjanov memlekettik organdarǵa, onyń ishinde Mádeniet jáne sport ministrliginiń úilestirýshi rólin zańnamalyq turǵydan kúsheitý, sportpen ainalysatyn azamattardyń úlesin arttyrý, buqaralyq sportty qarjylandyrýdy kásibi klýbtarǵa jumsalatyn shyǵyndardy qysqartý esebinen arttyrý, sport zaldary men mektepterdegi jabdyqtar tapshylyǵyn sheshý týraly naqty tapsyrmalar berdi.
Sondai-aq, óńirlerdiń ákimdikterine dene shynyqtyrý-saýyqtyrý keshenderiniń qurylysyn erekshe baqylaýǵa alyp, olardy 2020 jyldyń sońyna deiin aiaqtaý tapsyryldy.
