Ulttyq ekonomika ministri Álibek Qýantyrov 2025 jylǵa deiin halyq tabysyn arttyrý baǵdarlamasy boiynsha kimniń jalaqysy kóteriletinin aitty, - dep habarlaidy Tengrinews.kz.
Ministrdiń sózinshe, kedeishilik pen jumyssyzdyq deńgeii boiynsha taldaý nátijelerindegi turaqty oń dinamikaǵa qaramastan, sońǵy eki jylda halyqtyń aqshalai tabysynyń ósý qarqyny 2019 jylǵy 6,4 paiyzdan 2021 jylǵy 2,9 paiyzǵa deiin baiaýlaǵan.
"Sonymen qatar, eńbek etýden túsetin kiristiń tómendeýi jáne áleýmettik transfetterdiń kirisiniń ósýi baiqalady. Eńbek etýden túsetin tabystyń úlesi sońǵy on jyldaǵy 10,8 paiyzdyq tarmaqqa tómendedi, al áleýmettik transfetterdiń úlesi 10 paiyzdyq tarmaqqa ósti", - deidi ol.
2025 jylǵa deiin halyqtyń tabysyn arttyrý baǵdarlamasy aiasynda sharalar tikelei jáne janama bolyp bólinetini de aityldy.
"Tikelei sharalar - biýdjet jumyskerleriniń jalaqysyn kóterý jáne kiristerdegi teńgerimsizdikterdi teńestirýge baǵyttalǵan. Janamaǵa halyqty jumyspen qamtýǵa járdemdesý, kásiptik daiiarlaý, qaita daiarlaý, kásipkerlikti damytý jáne basqalady", - dedi ol.
Álibek Qýantyrov eńbek tabysynyń ósýin qamtamasyz etý úshin densaýlyq saqtaý, bilim berý, májeniet, ǵylym salalary jumyskerleriniń ortasha jalaqysy kóteriletinin aitty.
Buǵan deiin Qasym-Jomart Toqaev halyqtyń tabysyn arttyrýdy qamtamasyz etetin joba jasaýdy tapsyrǵan bolatyn. Eldegi kedeilikti tómendetý úshin naqty sharalar qabyldaý keregin atap ótti.
"Sharalar kesheni qabyldanyp, halyqtyń tabysyn arttyratyn baǵdarlama jasalýy kerek. Jumys naqty ári maqsatty bolýy tiis. Árbir basqarý deńgeiinde kedeilikti azaitýdyń naqty kórsetkishteri belgilenýi kerek. Jumysqa muqtaj jandardyń naqty sanyn anyqtaý qajet", - dedi ol Májilis otyrysynda.
