Úkimetke daiyndyqtyń bastapqy kezeńinde jattyqtyrýshylardyń jalaqysyn kóterý týraly usynys engiziledi. Bul týraly QR Mádeniet jáne sport ministri Dáýren Abaev aitty, dep habarlaidy QazAqparat.
«Júrgizilgen saraptama sport túrleri boiynsha bilikti jattyqtyrýshylardyń múldem jetispeitindigin anyqtap berdi. Bul olardyń jalaqylarymen tikelei bailanysty. Búginde azamattyq qyzmetshilerdiń eńbekaqy júiesine sáikes, eńbek ótili, sanat joq, biliktiligi ortasha deńgeidegi jattyqtyrýshylardyń jalaqysy 63 myń teńgeni quraidy. Osyǵan orai dene shynyqtyrý fakýltetterin bitirýshiler qyzmet kórsetý, kúzet firmalary, quqyq qorǵaý organdary salasy qyzmetkerleriniń qataryn tolyqtyryp otyr. Biraq, sportty emes», - dedi Dáýren Abaev ministrliktiń keńeitilgen alqa otyrysynda.
Osy rette ministr Shýchede ótken keńeste jattyqtyrýshylardyń zeinet jasyna jetip qalýyna jáne zeinet jasynda ekendigine bailanysty kadr tapshylyǵy arta beretindigin aitqanyn eske saldy.
«Osyǵan orai Úkimetke daiyndyqtyń bastapqy kezeńinde jattyqtyrýshylardyń jalaqysyn kóterý týraly usynys engiziledi jáne olardy materialdyq turǵyda yntalandyrý máselesi pysyqtalady», - dedi ol.
