Barshamyz Memleket basshysy bastap bergen reformalardy tabandy iske asyrýǵa jaýaptymyz. Bul týraly Úkimet otyrysynda Premer-Ministr Álihan Smaiylov aitty, dep habarlaidy QazAqparat.
«Joldaýda aitylǵan mindetterdi iske asyrý úshin usynylyp otyrǵan reformalardy zańnamalyq qamtamasyz etý boiynsha aýqymdy jumys júrgizý kerek. Sondyqtan, Ádilet ministrligi osy jumystardy úilestirip, keiin Parlamentke engizý úshin memlekettik organdarmen birlesip, barlyq zań jobalaryn daiyndap talqylaýǵa qazirden bastap kirisýi qajet», - dep tapsyrdy Smaiylov.
Premer-Ministrdiń aitýynsha, jaqynda Ministrler kabineti Joldaýdy iske asyrý boiynsha Jalpyulttyq jospar jobasy Prezidenttiń qaraýyna engizedi.
«Kelesi otyrysta biz Joldaýdy iske asyrý jónindegi Jalpyulttyq jospar jobasyn Memleket basshysynyń bekitýine engizýimiz qajet. Qazir arqany keńge salatyn zaman emes. Barshamyz Memleket basshysy bastap bergen reformalardy tabandy iske asyrýǵa jaýaptymyz. Biz halqymyzdyń senimin aqtaýǵa tiispiz. Sondyqtan, osy iske asa jaýapkershilikpen shuǵyl kirisýdi tapsyramyn», - dedi Úkimet basshysy.
