بارشامىز مەملەكەت باسشىسى باستاپ بەرگەن رەفورمالاردى تاباندى ٸسكە اسىرۋعا جاۋاپتىمىز. بۇل تۋرالى ٷكٸمەت وتىرىسىندا پرەمەر-مينيستر ەليحان سمايىلوۆ ايتتى, دەپ حابارلايدى قازاقپارات.
«جولداۋدا ايتىلعان مٸندەتتەردٸ ٸسكە اسىرۋ ٷشٸن ۇسىنىلىپ وتىرعان رەفورمالاردى زاڭنامالىق قامتاماسىز ەتۋ بويىنشا اۋقىمدى جۇمىس جٷرگٸزۋ كەرەك. سوندىقتان, ەدٸلەت مينيسترلٸگٸ وسى جۇمىستاردى ٷيلەستٸرٸپ, كەيٸن پارلامەنتكە ەنگٸزۋ ٷشٸن مەملەكەتتٸك ورگاندارمەن بٸرلەسٸپ, بارلىق زاڭ جوبالارىن دايىنداپ تالقىلاۋعا قازٸردەن باستاپ كٸرٸسۋٸ قاجەت», - دەپ تاپسىردى سمايىلوۆ.
پرەمەر-مينيستردٸڭ ايتۋىنشا, جاقىندا مينيسترلەر كابينەتٸ جولداۋدى ٸسكە اسىرۋ بويىنشا جالپىۇلتتىق جوسپار جوباسى پرەزيدەنتتٸڭ قاراۋىنا ەنگٸزەدٸ.
«كەلەسٸ وتىرىستا بٸز جولداۋدى ٸسكە اسىرۋ جٶنٸندەگٸ جالپىۇلتتىق جوسپار جوباسىن مەملەكەت باسشىسىنىڭ بەكٸتۋٸنە ەنگٸزۋٸمٸز قاجەت. قازٸر ارقانى كەڭگە سالاتىن زامان ەمەس. بارشامىز مەملەكەت باسشىسى باستاپ بەرگەن رەفورمالاردى تاباندى ٸسكە اسىرۋعا جاۋاپتىمىز. بٸز حالقىمىزدىڭ سەنٸمٸن اقتاۋعا تيٸسپٸز. سوندىقتان, وسى ٸسكە اسا جاۋاپكەرشٸلٸكپەن شۇعىل كٸرٸسۋدٸ تاپسىرامىن», - دەدٸ ٷكٸمەت باسشىسى.
