Foto: Úkimet
Premer-ministr Oljas Bektenov orynbasary Serik Jumanǵaringe jańa Salyq kodeksin múddeli toptarmen qaita pysyqtap shyǵýdy tapsyrdy, dep habarlaidy Ult.kz.
- Jańa Salyq kodeksi ózgermeitin qaǵidalardyń jiyntyǵy retinde qabyldanbaýy kerek, bul týraly Prezident erekshe atap ótti. Serik Maqashuly, osyǵan bailanysty sizge jurtshylyq pen biznes tarapynan kelip túsken usynystardy jinaqtap, muqiiat taldaýdy tapsyramyn. «Atameken» Ulttyq palatasynyń ókilderin, ekonomister men sarapshylardy tarta otyryp, júieli ári úilesimdi jumys jasaýy kerek. Búgin Úkimette osyndai alǵashqy kezdesý ótkizesiz, - dedi ol Úkimet otyrysynda.
Bul iske óńirler de tartylmaq.
- Óńirlerdi de osy jumysqa belsendi tartý qajet. Qoǵamnyń kóterip otyrǵan máselelerin jedel qaraý kerek. Nátijesi boiynsha naqty usynystar engizińiz, - dedi Oljas Bektenov.
Eske salsaq, keshegi Ulttyq quryltai otyrysynda Prezident Qasym-Jomart Toqaev jańa Salyq kodeksin qoldaný kezinde jurttyń syn-usynystary muqiiat zerdelenip, qajet bolǵan jaǵdaida túzetýler engiziletinin aitqan edi.
