فوتو: ٷكٸمەت
پرەمەر-مينيستر ولجاس بەكتەنوۆ ورىنباسارى سەرٸك جۇمانعارينگە جاڭا سالىق كودەكسٸن مٷددەلٸ توپتارمەن قايتا پىسىقتاپ شىعۋدى تاپسىردى, دەپ حابارلايدى Ult.kz.
- جاڭا سالىق كودەكسٸ ٶزگەرمەيتٸن قاعيدالاردىڭ جيىنتىعى رەتٸندە قابىلدانباۋى كەرەك, بۇل تۋرالى پرەزيدەنت ەرەكشە اتاپ ٶتتٸ. سەرٸك ماقاشۇلى, وسىعان بايلانىستى سٸزگە جۇرتشىلىق پەن بيزنەس تاراپىنان كەلٸپ تٷسكەن ۇسىنىستاردى جيناقتاپ, مۇقييات تالداۋدى تاپسىرامىن. «اتامەكەن» ۇلتتىق پالاتاسىنىڭ ٶكٸلدەرٸن, ەكونوميستەر مەن ساراپشىلاردى تارتا وتىرىپ, جٷيەلٸ ەرٸ ٷيلەسٸمدٸ جۇمىس جاساۋى كەرەك. بٷگٸن ٷكٸمەتتە وسىنداي العاشقى كەزدەسۋ ٶتكٸزەسٸز, - دەدٸ ول ٷكٸمەت وتىرىسىندا.
بۇل ٸسكە ٶڭٸرلەر دە تارتىلماق.
- ٶڭٸرلەردٸ دە وسى جۇمىسقا بەلسەندٸ تارتۋ قاجەت. قوعامنىڭ كٶتەرٸپ وتىرعان مەسەلەلەرٸن جەدەل قاراۋ كەرەك. نەتيجەسٸ بويىنشا ناقتى ۇسىنىستار ەنگٸزٸڭٸز, - دەدٸ ولجاس بەكتەنوۆ.
ەسكە سالساق, كەشەگٸ ۇلتتىق قۇرىلتاي وتىرىسىندا پرەزيدەنت قاسىم-جومارت توقاەۆ جاڭا سالىق كودەكسٸن قولدانۋ كەزٸندە جۇرتتىڭ سىن-ۇسىنىستارى مۇقييات زەردەلەنٸپ, قاجەت بولعان جاعدايدا تٷزەتۋلەر ەنگٸزٸلەتٸنٸن ايتقان ەدٸ.
