QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda jańa 2020-2021 oqý jylynyń bastalýyna daiyndyq máselesi qaraldy.
Atqarylyp jatqan jumystar týraly QR bilim jáne ǵylym ministri A. Aimaǵambetov, QR tsifrlyq damý, innovatsiialar jáne aeroǵarysh ónerkásibi ministriniń mindetin ýaqytsha atqarýshy B. Mýsin, Batys Qazaqstan oblysynyń ákimi Ǵ. Esqaliev, Soltústik Qazaqstan oblysynyń ákimi Q. Aqsaqalov, Qaraǵandy oblysynyń ákimi J. Qasymbek baiandady. Bul týraly primeminister.kz saity habarlady.
2020-2021 oqý jylynda Qazaqstannyń 7 391 mektebinde 3,3 mln-nan astam adam, onyń ishinde 1 synypta 396 myńnan astam bala bilim alady. Qazirgi jaǵdaida oqý jylynyń birinshi toqsany qashyqtan ótedi. Oqytýdyń dástúrli formaty barlyq sanitarlyq normalardy qatań saqtai otyryp, tek shaǵyn formattaǵy mektepterde, sondai-aq bastaýysh mekteptiń «kezekshi» synyptarynda saqtalady.
Úkimet basshysy oqytý ádistemesin tolyq pysyqtap, biylǵy 20 tamyzǵa deiin aldaǵy oqý úrdisi týraly tolyq aqparat bere otyryp, onlain rejimde respýblikalyq ata-analar jinalysyn uiymdastyrýdy tapsyrdy.
«Úkimet asa muqtaj otbasylardyń balalaryna paidalaný úshin shamamen 500 myń kompiýter berýdi qamtamasyz etedi. Sondai-aq ákimdikter jergilikti deńgeide kompiýter tehnikasymen qamtamasyz etý máselesin pysyqtasyn», — dedi A. Mamin.
Premer-Ministr Bilim jáne ǵylym ministrligine ákimdiktermen birlesip, osy jyldyń 25 tamyzyna deiin oqýshylar men pedagogterdiń oqý jylynyń qashyqtan bastalýyna tolyq daiyn bolýyn, muǵalimderdiń tiisti oqýdan ótkizilýin, internet-platformalarda jáne teledidarda qajetti kontenttiń tolyq kólemde daiyndalýyn qamtamasyz etýdi tapsyrdy.
Oqýlyqtar 25 tamyzǵa deiin beriledi. Oqýlyqtardyń qaǵaz júzindegi nusqalarynyń bárinde mindetti túrde elektrondyq nusqalary bolýy tiis, olar qoljetimdi bolýy qajet.
Tsifrlyq damý ministrligine ákimdiktermen jáne bailanys operatorlarymen birlesip, bilim berý resýrstarynyń qoljetimdiligi men ornyqtylyǵyn, sondai-aq eldi mekenderde internettiń sapasy men jyldamdyǵyn qamtamasyz etý tapsyryldy.
Ákimdikter men Densaýlyq saqtaý ministrligine oqytýdy dástúrli ashyq túrde jalǵastyratyn bastaýysh mekteptiń «kezekshi» synyptarynda jáne shaǵyn mektepterde sanitariialyq-epidemiologiialyq normalardy qatań saqtaý boiynsha barlyq qajetti sharalardy qabyldaý tapsyryldy.
«Tsifrlyq damý ministrligi ákimdiktermen jáne bailanys operatorlarmen birlesip, bilim berý resýrstarynyń qoljetimdiligi men ornyqtylyǵyn, sondai-aq eldi mekenderde internettiń sapasy men jyldamdyǵyn qamtamasyz etsin.
Ákimdikter men Densaýlyq saqtaý ministrligi oqý oryndarynda, ásirese oqytýdy dástúrli ashyq túrde jalǵastyratyn jáne «kezekshi» bastaýysh synyptary bar mektepterde sanitariialyq-epidemiologiialyq normalardy qatań saqtaý boiynsha barlyq qajetti sharalardy qabyldasyn. Jalpy, jańa oqý jylynyń bastalýyna barlyǵymyz úlken jaýapkershilikpen qaraýymyz kerek», - dedi Mamin.
