Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev elimizde qoǵamdyq qaýipsizdikti jáne quqyq buzýshylyqtardyń aldyn alý sharalaryn odan ári qamtamasyz etý máseleleri jóninde keńes ótkizdi, dep habarlaidy "Ult aqparat".
Keńes barysynda qoǵamdyq tártipti saqtaý salasynyń qazirgi jaǵdaiy jáne quqyq buzýshylyqtardyń aldyn alý sharalary qaraldy. Ishki ister ministri Q. Qasymov urlyqtarǵa qarsy is-qimyl, turmystyq zorlyq zombylyqtyń jáne kámelet jasyna tolmaǵandar arasynda qylmys isteýshiliktiń aldyn alý, sondai-aq qoǵamdyq tártipti saqtaý jáne jol qaýipsizdigin qamtamasyz etý boiynsha atqarylyp jatqan jumystar týraly baiandady. Budan ózge, ákimshilik jáne qylmystyq is júrgizý qyzmetine tsifrlandyrýdy engizýge kóńil bólindi.
Máselelerdi qaraý qorytyndysy boiynsha QR Premer-Ministri Baqytjan Saǵyntaev tiisti memlekettik organdarǵa qylmystylyqqa qarsy is-qimyl máselelerin shuǵyl sheshýge múmkindik beretin qoǵamdyq qaýipsizdikti qamtamasyz etý jáne quqyq buzýshylyqtardyń aldyn alý boiynsha sharalar keshenin ázirleýdi tapsyrdy.
