Foto: ashyq derekkóz
QR Úkimetiniń rezervinen tyńaitqyshtardy (organikalyq tyńaitqyshtardy qospaǵanda) sýbsidiialaý úshin 48,4 mlrd teńge bólindi. Premer-ministr Oljas Bektenov tiisti qaýlyǵa qol qoidy, dep habarlaidy Ult.kz.
Qaýly Memleket basshysynyń 2024-2028 jyldary aýyl sharýashylyǵy óniminiń jalpy kólemin 2 esege ulǵaitý jáne topyraqqa mineraldy tyńaitqyshtar engizý deńgeiin ǵylymi negizdelgen qajettiliktiń 50%-na deiin arttyrý jónindegi tapsyrmalaryn júzege asyrý aiasynda qabyldandy.
Qujat Abai, Aqmola, Shyǵys Qazaqstan, Jambyl, Qaraǵandy, Qostanai, Pavlodar, Soltústik Qazaqstan jáne Túrkistan oblystarynyń ákimdikterine tyńaitqyshtardyń qunyn sýbsidiialaýǵa aǵymdaǵy nysanaly transfertter túrinde qarajat aýdarýdy kózdeidi.
Birinshi kezekte, qarajattyń negizgi kólemi mineraldy tyńaitqyshtardy avanstyq sýbsidiialaý tetigin iske asyrýǵa baǵyttalǵan.
Ótken jyldyń naýryz aiynda AÓK-ti qoldaý sheńberinde tyńaitqyshtardy avanstyq sýbsidiialaý tetigi engizilgeni belgili. Bul rette biýdjettik sýbsidiialar aýyl sharýashylyǵy taýaryn óndirýshilerge arzandatylǵan tyńaitqyshtardy jetkizý úshin otandyq zaýyttardyń arnaiy shottaryna aldyn ala aýdarylady.
Qabyldanǵan sharalar esebinen alǵash ret tyńaitqyshtardy qoldaný deńgeii ǵylymi negizdelgen qajettiliktiń 40%-na jetti (2024 jylǵa deiin 21%-dan aspaǵan).
Kóktemgi egis jumystaryna daiyndyq kezeńinde Úkimettiń ýaqtyly qarjylyq qoldaýy aýyl sharýashylyǵy taýar óndirýshilerin tyńaitqyshtarmen ýaqtyly qamtamasyz etýge múmkindik beredi, bul saiyp kelgende joǵary ári sapaly ónim alýǵa múmkindik beredi.
