فوتو: اشىق دەرەككٶز
قر ٷكٸمەتٸنٸڭ رەزەرۆٸنەن تىڭايتقىشتاردى (ورگانيكالىق تىڭايتقىشتاردى قوسپاعاندا) سۋبسيدييالاۋ ٷشٸن 48,4 ملرد تەڭگە بٶلٸندٸ. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى, دەپ حابارلايدى Ult.kz.
قاۋلى مەملەكەت باسشىسىنىڭ 2024-2028 جىلدارى اۋىل شارۋاشىلىعى ٶنٸمٸنٸڭ جالپى كٶلەمٸن 2 ەسەگە ۇلعايتۋ جەنە توپىراققا مينەرالدى تىڭايتقىشتار ەنگٸزۋ دەڭگەيٸن عىلىمي نەگٸزدەلگەن قاجەتتٸلٸكتٸڭ 50%-نا دەيٸن ارتتىرۋ جٶنٸندەگٸ تاپسىرمالارىن جٷزەگە اسىرۋ اياسىندا قابىلداندى.
قۇجات اباي, اقمولا, شىعىس قازاقستان, جامبىل, قاراعاندى, قوستاناي, پاۆلودار, سولتٷستٸك قازاقستان جەنە تٷركٸستان وبلىستارىنىڭ ەكٸمدٸكتەرٸنە تىڭايتقىشتاردىڭ قۇنىن سۋبسيدييالاۋعا اعىمداعى نىسانالى ترانسفەرتتەر تٷرٸندە قاراجات اۋدارۋدى كٶزدەيدٸ.
بٸرٸنشٸ كەزەكتە, قاراجاتتىڭ نەگٸزگٸ كٶلەمٸ مينەرالدى تىڭايتقىشتاردى اۆانستىق سۋبسيدييالاۋ تەتٸگٸن ٸسكە اسىرۋعا باعىتتالعان.
ٶتكەن جىلدىڭ ناۋرىز ايىندا اٶك-تٸ قولداۋ شەڭبەرٸندە تىڭايتقىشتاردى اۆانستىق سۋبسيدييالاۋ تەتٸگٸ ەنگٸزٸلگەنٸ بەلگٸلٸ. بۇل رەتتە بيۋدجەتتٸك سۋبسيدييالار اۋىل شارۋاشىلىعى تاۋارىن ٶندٸرۋشٸلەرگە ارزانداتىلعان تىڭايتقىشتاردى جەتكٸزۋ ٷشٸن وتاندىق زاۋىتتاردىڭ ارنايى شوتتارىنا الدىن الا اۋدارىلادى.
قابىلدانعان شارالار ەسەبٸنەن العاش رەت تىڭايتقىشتاردى قولدانۋ دەڭگەيٸ عىلىمي نەگٸزدەلگەن قاجەتتٸلٸكتٸڭ 40%-نا جەتتٸ (2024 جىلعا دەيٸن 21%-دان اسپاعان).
كٶكتەمگٸ ەگٸس جۇمىستارىنا دايىندىق كەزەڭٸندە ٷكٸمەتتٸڭ ۋاقتىلى قارجىلىق قولداۋى اۋىل شارۋاشىلىعى تاۋار ٶندٸرۋشٸلەرٸن تىڭايتقىشتارمەن ۋاقتىلى قامتاماسىز ەتۋگە مٷمكٸندٸك بەرەدٸ, بۇل سايىپ كەلگەندە جوعارى ەرٸ ساپالى ٶنٸم الۋعا مٷمكٸندٸك بەرەدٸ.
